د احکام پېږندلو بغير غسل صحي کيږي ؟

یو ځوان بلوغ حالت ته رسیدلې دي په ده باندې غسل واوښت خو دغه ځوان پدې نه پوهیږي چه په غسل کې به د غسل ۳فرایض به اداء کوي بغیر د فرایض اداء کولونه عادي غسل وکړي، پدې عمل باندې ۳کاله تیر شوي وی پدې دوران کې چه سومره لمونځونه رو‌ژې تیرې شوي دي ددې سره به سه کوي؟ آیا د لمنځونو قضاء به راوړي؟ او د روژې قضاء او کفاره به ورکوي؟
معذرت غواړم سوالونه اوږده وو خو د جوابونو په انتظار یم

عبدالوارث مدني

ځواب

بسم الله الرحمن الرحيم

په غسل کې دری شيان فرض دي :

اول : په خوله کې اوبه اچول .

دوهم : په پزه کې اوبه اچول

دريم : د ټول بدن مينځل ( چې هيڅ کوم ځای وچ پاتې نشي ) .

کچيري چا غسل کړی وي ټول بدن يې مينځلی وي په خوله او پزه يې اوبه تيرې کړې وي که څه اودس يې نه وي کړی او د غسل په فرض او سنتو نه وي پوه د هغه غسل ان شآء الله صحي ده .

لکن مسلمان بايد د غسل سنته طريقه زده کړې او په همدغه طريقه غسل وکړي .

تفصيل دلته وګورئ .

https://dawat610.com/archives/4668

و الله سبحانه وتعالی اعلم

آن لاين اسلامي لارښود

Print Friendly, PDF & Email

اترك تعليقاً

آن لاين اسلامي لارښود حفظها الله په افغانستان کې د اهل سنت والجماعت (مذهب امام ابوحنيفه رحمه الله ) د ديني څيړنو او تحقيقاتو يوه معتبره پاڼه ده چې هدف يې ټولنې ته د شرعي اوامرو رسول د کفر ، شرک ، بدعت او ټولو نا روا کړنو پر وړاندې په دلائلو ولاړه کلکه مبارزه ده دا پاڼه کاملاً شخصي ده او مصارف يې کاملاً شخصي د انفاق فی سبيل الله څخه دي