د سرو زرو زکات به ښځه ادا کوي او که د هغې خاوند ؟

ښاغلیه السلام علیکم. محترمه سوال دادی چه: دسرو زرو د زکات لپاره نصاب ځومره دی ؟
دوهم سوال : ایا به ښڅه باندی دسرو زرو زکات کیږی که کیږی باید ځومره سره زر ولری ؟
دریم سوال : که ښڅه میړه ولری ځه حکم دی او که ونلری ځه حکم دی؟
که ددی پوښتنی جواب به تفصیل سره راکړي الله ج دی تاسو ته جنت فردوس درکړی
به درنښت

اسرار جان

ځواب

بسم الله الرحمن الرحيم

اول :

طلا يا سره زر چې کله 85 ګرامو ته ورسيږي او کال ورباندې تير شي زکات ورباندی فرض دی .

ونصاب الذهب والعملات الذهبية هو ‏(‏‏20‏‏)‏ عشرون مثقالا وتعادل ‏(‏‏85‏‏)‏ جراما من الذهب الخالص ‏(‏والمثقال يعادل ‏4.25‏ جراما‏)‏” .

دوهم : کله چې سره زر يا طلا نصاب ته ورسيږي ، زکات په ښځه فرض دی د هغې په خاوند فرض نه دی ځکه ښځه مالک نصاب ده .

لا يجب على الزوج أن يدفع الزكاة عن زوجته ، لأن الزكاة إنما تجب على صاحب المال ، وليست الزكاة من النفقة الواجبة للزوجة على زوجها .(موقع الاسلام سوال جواب ) .

دريم : د خاوند لرل او نه لرل د زکات په وجوب پورې اړه نه لري ، بلکي د زکات د وجوب د پاره ، نصاب او په هغه باندې يو کال تيرېدل شرط دي .

څلورم : د زکات انذازه څلويښمه حصه يا 2.5% ده ، چې د 85 ګرامه د زکات انذازه 2.125 ګرامه کيږي ، دې ته به د استعمال شويو سرو زرو نرخ تعين کړي .

مثلاً که د مستعملې طلا نرخ 1700 افغاني وي نو د زکات انذازه به په نغدو باندې 3613 افغانۍ شي .

او د طلا په نرخ ټاکلو کې د هغه عيار هم بايد په نظر کې ونيول شي ځکه زکات يوازې په طلا باندې فرض نه د هغه په نورو ترکيبي فلزاتو .

و الله سبحانه وتعالی اعلم

آن لاين اسلامي لارښود

Print Friendly, PDF & Email

اترك تعليقاً

آن لاين اسلامي لارښود حفظها الله په افغانستان کې د اهل سنت والجماعت (مذهب امام ابوحنيفه رحمه الله ) د ديني څيړنو او تحقيقاتو يوه معتبره پاڼه ده چې هدف يې ټولنې ته د شرعي اوامرو رسول د کفر ، شرک ، بدعت او ټولو نا روا کړنو پر وړاندې په دلائلو ولاړه کلکه مبارزه ده دا پاڼه کاملاً شخصي ده او مصارف يې کاملاً شخصي د انفاق فی سبيل الله څخه دي