ټولو محترمو ته سلامونه ډالی کوم خدای دی وکړی چی جوړ او روغ به یاست :زما پوشتنه دا ده که کولی شی ماته پوره معلومات دی اسلام ستر پیغمبر حضرت محمد (ص) ده کورنی په اړه راکړئ چی سو کاکا ، ماما ، خاله ،عمه ،اولادونه ،میرمنی ،او داسی نور
حيات الله – بريتانيا
ځواب
بسم الله الرحمن الرحيم
د جناب نبی کريم صلی الله عليه وسلم د پلار نوم عبدالله او د نيکه نوم عبدالمطلب او د غور نيکه نوم هاشم (عمرو ) وه
د رسول الله صلی الله عليه وسلم کورنې يا خاندان د بنی هاشم د خاندان په نوم شهرت درلود .
هاشم يو شريف با وقاره ، مالدار او ميلمه پاله سړی ؤ چې د حاجيان په خدمت کولو مشهور ؤ ، هاشم به حاجيانو ته خوراک او څښاک برابرولو د هغه اصلي نوم عمرو ؤ څرنګه چې هغه به حاجيانو ته په شربا کې ډوډی وړوله نو ځکه په هاشم باندې مشهور ؤ .
د رسول الله صلی الله عليه وسلم ۹ نه کاکا ګان ؤ چې نمونه يې عبارت دی له :
حارث، زبير، ابوطالب، حمزه، ابولهب، غيداق، مقوم، ضرار، عباس.
د رسول الله صلی الله عليه وسلم ۶ شيږ عمه ګانې وي چې نمونه يې عبارت دې له : ام الحکيم (بيضاء)، بره، عاتکه، صفيه، اَروي او اميمه
د رسول الله صلی الله عليه وسلم مور بې بې آمنه نوميده
بی بی آمنه د وهب بن عبدالمناف لور ؤ چې د بنی زهره د قبېلی د اوچت مقام او نسب ښځه ؤ
ر رسول الله صلی الله عليه وسلم رضايي ميندې ثوبيه او بی بی حليمه وې .
د رسول الله صلی الله عليه وسلم رضاعي وروڼه او خوندې عبارت ؤ له : ۱- عبدالله بن حارث؛ ۲- انيسه بنت حارث؛ ۳- حذاقه (يا: جذامه) بنت حارث، چه هماغه شيماء وه؛ او ۴- ابوسفيان بن حارث بن عبدالمطلب د رسول الله صلی الله عليه وسلم د کاکا زوی .
د رسول الله صلی الله عليه وسلم ۱۱ بيبيانې (ميرمنې ) وې چې نمونه يې عبارت له :
1- خديجة بنت خويلد رَضِيَ اللَّهُ عَنْها .
۲- سودة بنت زمعة بن قيس.
۳- عائشة بنت أبي بكر الصديق رَضِيَ اللَّهُ عَنْهُما .
۴- حفصة بنت عمر رَضِيَ اللَّهُ عَنْهُما .
۵- زينب بنت خزيمة رَضِيَ اللَّهُ عَنْها .
۶- أم سلمة بنت أبي أمية رَضِيَ اللَّهُ عَنْها .
۷- جويرة بنت الحارث رضي الله عنها.
۸- زينب بنت جحش رَضِيَ اللَّهُ عَنْها .
۹ – أم حبيبة بنت أبي سفيان رَضِيَ اللَّهُ عَنْهُما.
۱۰ – ميمونة بنت الحارث رَضِيَ اللَّهُ عَنْها .
۱۱- صفية بنت حيي بن أخطب رَضِيَ اللَّهُ عَنْها .
يوازې بې بې عايشه رضی الله عنها پيغله ؤ نورې ټولې کوندې وې .
د کڼ شمير ښځو سره د رسول الله د نکاح حکمت د دين دعوت ، نشر او د ښځو طبقې ته د دين د احکامو رسول ؤ ځکه رسول الله صلی الله عليه وسلم د دغو ښځو سره نکاح د ژوند په آخرې مرحله کې کړې ده او د ځوانۍ اصلي (۳۰) کلنه دوره يې يوازې له بی بی خديجې رضی الله عنها سره تيره کړي ده .
د رسول الله صلی الله عليه وسلم دوه زامن ؤ چې دواړه په ماشومتوب کې وفات شوې دي چې نمونه يې عبارت له :ابراهيم ، عبدالله چې کله د طيب او طاهر په لقب هم ياديده .
د رسول الله صلی الله عليه وسلم څلور لورګانې وې چې نمونه يې عبارت له : زينب؛ رقيه؛ امکلثوم؛ فاطمه .
د رسول الله صلی الله عليه وسلم د ابراهيم څخه بغير ټول اولاد د له خديجې رضی الله عنها څخه ؤ .
په دې تفصيلي بيان به ان شآء الله د سيرت په برخه کې راشي .
آن لاين اسلامې لارښود