(۷) زينت او سينګار ( و ورځو جوړول )

د ورځو ايستلو، خال وهلو احکام :

د ورځو د ويښتانو ايستل د مسلماني ښځې لپاره حرام دي . دغه کار که په هر شکل سره صورت ونيسي  لنډول وي او يا ايستلو وي دغه ټول حرام دي همدارنګه د ښايست او زينت د پاره د غاښونو سوانول په غاښونو کې فاصلې جوړل حرام دي او همدارنګه خال وهل حرام دي.

او په داسې کسان د خدای جل جلا له لعنت دی :

لعن الله الواشمات والمستوشمات والنامصات والمتنمصات والمتفلجات للحسن المغيرات خلق الله (رواه بخاری ) .

الله تعالی لعنت کړی څوک چه خال وهی او هغه چه د خال وهلو خيال وکړي ،او هغه څوک چه وروځی نري جوړوي او هغه چې د وروځو د نری جوړولو خيال کوي ، او هغه څوک چه د ډول او ښاست لپاره د غاښونو تر منځ فاصلی جوړوي دا هغه کسان دی چه د خدای ^{جل جلا له} په خلقت کې تغير راولې .

د لعنت کليمه د سختې کبيره ګناه د پاره استعماليږي چې په دغه نا رواه پېشن او سينګار کې ناروا سينګار کوونکي ښځه او آرايشګاه دواړه شامل دي .

په اصل کې دغه کار د الله جل جلا له په پيدايښت کې تغير راوستل دي چې داسې کول حرام دي .

له بده مرغه نن ورځ ډيری ښځې په دغه خطرناک مرض او کبيره ګناه باندې اخته دي ، تر دې حده چې د ورځو ايستل يي دورځنيو واجباتو يو جز ګرځولی دی . خو که داسې وي چې خاوند خپلې ښځې ته د ورځو په ايستلو امر وکړي نو ښځې ته نه ده رواه چې د خپل خاوند امر پر ځای کړي ځکه چې دا په ګناه کولو باندې امر کول دی .

        آن لاين اسلامې لارښود – د ښځو ځانګړي احکامو نادره لړۍ