په ذکر کې تر سلو زياتې ګټې دي چې ابن القيم رحمه الله پخپل کتاب “الوابل الصيّب” کې ذکر کړی دي چې ځينې يې په لاندې ډول دي :
۱- د الله تعالی رضا او خوښي.
۲- د غم او پريشانۍ لريوالی د خوښۍ او خوشحالۍ راوستل .
لقوله سبحانه وتعالی :[الَّذِينَ آمَنُواْ وَتَطْمَئِنُّ قُلُوبُهُم بِذِكْرِ اللّهِ أَلاَبِذِكْرِ اللّهِ تَطْمَئِنُّ الْقُلُوبُ] (الرعد: ۲۸)
۳- د زړه ، بدن او ايمان قوت ، زړه ته د الله (جل جلا له) د طرف نه د علم د دروازو پرانيستل .
۴- د زرق پراخي ، پس ذکر د دروازو پرانيستونکی دی .
۵- د ژبې مشغوليدل ، له غيبت او بې ګټې خبرو څخه نجات .
رسول الله صلی الله عليه وسلم فرمايلي: « لا تُكْثِرُوا الكَلامَ بغَيْرِ ذِكْرِ اللَّه، فَإنَّ كَثْرَة الكَلامِ بِغَيْرِ ذِكْرِ اللَّه تَعالَى قَسْوةٌ لِلْقَلْب،وإنَّ أبْعَدَ النَّاسِ مِنَ اللَّهِ القَلبُ القَاسي » . (رواه الترمذي).
ژباړه : د الله تعالی د ذکر پرته ډېرې خبرې مه کوئ ، ځکه د الله تعالی د ذکر پرته ډيرې خبرې د زړه د کلکوالی سبب کيږي ، او الله تعالی ته په خلکو کې تر ټولو لرې کس سخت زړی سړی دی.
۶- ملائکې د ذکر کونکو د پاره مغفرت غواړي .
لقوله سبحانه وتعالی: [وَيَسْتَغْفِرُونَ لِلَّذِينَ آمَنُوا] (غافر:۷).
ژباړه: او د مؤمنانو لپاره بخښنه غواړي .
۷- د زړه ژوندې کيدل او د نفاق څخه نجات .
۸- ذکر کونکی الله (جل جلا له) ته محبوب دی او دی به خلکو ته محبوب وي .
۹- د ګناهونو محو او نابودي ځکه ذکر لویه نيکه ده او نېکي بدي له منځه وړي.
۱۰- د الله (جل جلا له) د عذاب څخه نجات لکه څنګه چې معاذ مرفوعاً روايت کوي :
«ما عمل آدميّ عملاً أنجى له من عذاب الله عز وجل من ذكر الله تعالى» (رواه الإمام أحمد، وصححه المنذري في الترغيب، و صحيح الجامع) .
ژباړه : هيڅ عمل انسان ته د الله د عذاب دومره نجات ورکونکی نه دی لکه ذکر .
۱۱- د قيامت په ورځ د پښېمانتيا نه نجات ځکه هغه وخت او مجلس چې په دنيا کې بغير له ذکر تير شوی وي سړی په به هغه باندې افسوس کوي .
۱۲- ذکر نظر نورو عباداتو ته آسانه دی او فضليت يې زيات دی .
۱۳- ذکر کونکي لره نور دی په دنيا کې نور دی په قبر کې او نور دی په حشر کې او نور دی پر پل صراط باندې.
۱۴- د زړه بيداري او د ايمان زياتوالی او قوت :
الله سبحانه وتعالی فرمايي:[إِنَّمَا الْمُؤْمِنُونَ الَّذِينَ إِذَا ذُكِرَ اللّهُ وَجِلَتْ قُلُوبُهُمْ وَإِذَا تُلِيَتْ عَلَيْهِمْ آيَاتُهُ زَادَتْهُمْ إِيمَاناً وَعَلَى رَبِّهِمْ يَتَوَكَّلُونَ](الأنفال:۲).
يعنې : یقيناً مؤمنان هغه کسان دي چې کله الله پاک ياد کړ شي د دوی زړونه له (الله ) څخه وېرېږي او کله چې د الله پاک آيتونه پرې ولوستل شي نو د دوی ايمان لا پياوړی کوي او دوی پر خپل رب توکل کوي .
۱۵- ذکر د زړه شفا او درملنه ده او غفلت د زړه مرض دی نو خپل زړونه د الله (جل جلا له) په ذکر تداوي کړئ.
۱۶- ډير ذکر کول هغه که په لاره وي ، کور کې وي او سفر کې وي هغه ځايونه به د قيامت په ورځ په بنده باندې شاهدان وي .
۱۷- د زړه او مخ نوراني کيدل .
۱۸- په تنهايی کې د ذکر پر مهال ژړا کوونکی د قيامت په ورځ د عرش تر سيورې لاندې وي .
۱۹- د هېرې او غفلت څخه نجات .
۲۰- د شيطان د شر څخه نجات .
۲۱- د دوښمنانو پر وړاندې د نصرت وسيله .
۲۲- ذکر د شکر رأس دی چا چې ذکر وکړ هغه شکر ادا کړ .
۲۳- ذکر کول د زهد سبب ګرځي ، چې انسان ته له حب دنيا څخه نجات ورکوي او د آخرت طرف ته يې متوجه کوي .
۲۴- ذکر د زړه سختوالی له منځه وړي .
۲۵- د برکت د نزول سبب ګرځي .
۲۶- مشکلات او سختۍ کموي او د کارونو د آسانۍ سبب کرځي .
۲۷- د زړه د قوت سبب ګرځي .
۲۸- د الله تعالی په نزد غوره کس هغه دی چې ژبه يې په ذکر لمده وي .
۲۸- د زړه اراده او عزم قوي کوي .
۲۹- زړه غني ګرځوي او له حاجت څخه نجات ورکوي .
آن لاين اسلامي لارښود