د قيامت نښه :د موت الفجاة ( نا څاپي مرګونو ) څرګنديدل

انس بن مالک رضی الله عنه وايي چې رسول الله صلی الله عليه وسلم فرمايلي: «مِنَ اقْتِرَابِ السَّاعَةِ أنْ يُرَى الْهِلالُ قَبَلًا فيُقالُ : لِلَيْلَتَيْنِ وأنْ تُتَّخَذَ المَسَاجدُ طَرُقًا وأنْ يَظهَرَ موتُ الفَجأةِ »[1].

ژباړه :{د قيامت د نږدې کيدو له نښو څخه دا دي : چې نوی را ختلې مياشت ( داسې لويه ) ښکاري لکه د دوو ورځو او دا چې جوماتونه لار وګرځول شي (تحية المسجد پکې نه کوي او يا په جومات باندې داسې تيريږي لکه په لاره باندې چې لمونځ پکې نه کوي ) او دا چې ناچاپي مرګونه ښکاره شي} .

د وفات څخه مخکې ناروغي مؤمن ته دا چانس ورکوي څو وصيت وکړي، په خپلو اعمالو غور وکړي، توبه وباسي، مګر په ناچاپي مرګ کې بيا دا چانس نشته .

او په نن عصر کې مونږ وينو چې په بيلابيلو سببونو ناچاپي مرګونه څومره ډير شوي دي لکه : د زړه سکته، دوماغي سکته، ترافيکي پيښې او نور .

ناچاپي مرګ د هغه چا په حق کې رحمت دی چې ژوند يې د الله تعالی په اطاعت کې تير کړی وي او هميشه يې مرګ په ياد وي خو د هغه چا لپاره عذاب دی چې مرګ يې هير وي او ژوند يې د الله تعالی د عبادت او اطاعت پر ځای په شهوت پرستۍ او سرکشی کې تير کړی وي .

عايشه رضی الله عنها له رسول الله صلی الله عليه وسلم څخه د مرګ فجات په اړه پوښتنه وکړه نو ويې فرمايل : «رَاحَةٌ لِلْمُؤْمِنِ، وَأَخْذَةُ أَسَفٍ لِلْفَاجِرِ»[2].

ژباړه : (ناچاپي مرګ ) د مؤمن لپاره راحت دی او د فاجر لپاره ناچاپي نيول دي .

آن لاين اسلامي لارښود

ـــــــــــــــــــــــــــــــــ

[1] – صحيح الجامع بالاسناد حسن :۵۸۹۹.

[2] – رواه أحمد والبيهقي في السنن الكبرى وعبد الرزاق في مصنفه، والطبراني في المعجم الأوسط،وصححه الحافظ العراقي في تخريج الإحياء.

Print Friendly, PDF & Email
آن لاين اسلامي لارښود حفظها الله په افغانستان کې د اهل سنت والجماعت (مذهب امام ابوحنيفه رحمه الله ) د ديني څيړنو او تحقيقاتو يوه معتبره پاڼه ده چې هدف يې ټولنې ته د شرعي اوامرو رسول د کفر ، شرک ، بدعت او ټولو نا روا کړنو پر وړاندې په دلائلو ولاړه کلکه مبارزه ده دا پاڼه کاملاً شخصي ده او مصارف يې کاملاً شخصي د انفاق فی سبيل الله څخه دي