السلام عليکم
زه د غاښلې ډاکتر صاحب څخه دا پوښتنه کوم چې :
د انجيل په عهد قديم کې کوم چې په عبراني ژبه ليکل شوی دی ۵ باب ۱۶ آیه کې د «محمدِیم » لفظ راغلی دی نو زما سوال دا دی چې مسيحيان ولی په دې باندې اعتراف نه کوي ؟
ډاکتر ذاکر : د «محمديم» نوم «محمد» دی په سامي ژبه کې «ام» د احترام لپاره کارول کيږي لکه : «إله» چې دوی يې «إلهيم» تلفظ کوي .
زه له دغه خور څخه پوښتنه کوم چې ته ولی د مسيحيانو څخه دا پوښتنه نه کوي چې تاسې ولی د محمد صلی الله عليه وسلم په رسالت باندې ايمان نه راوړئ ؟
د محمد صلی الله عليه وسلم ذکر د انجيل په يو ځای کې نه بلکې ډيرو ځايونو کې راغلی دی لکه :
عهد قديم
باب ۱۸ جمله ۱۸
باب ۱۸ جمله ۱۹
باب ۲۹ جمله ۱۲
باب ۵ جمله ۱۶
همدارنګه عهد جديد انجيل يوحنا :
باب ۱۵ جمله ۲۶
باب ۱۶ جمله ۷
باب ۱۶ جمله ۱۲-۱۴
او همداسې نورو ډيرو ځايونو کې . نو دا پوښتنه بايد د هغوی څخه وشي چې تاسې ولی په خاتم المرسلين باندې ايمان نه راوړئ ؟
کومو مسيحيانو چې د فهم او درک څخه کار اخيستی هغوی اسلام قبول کړ مګر هغو نورو چې نه غواړي حقيقت قبول کړي وايي : مونږ له ۴۰ کلونو راهيسې مسيحيان يو نو اوس ولی دين تبديل کړو ؟ يا ډير د دوی څخه وايي مونږ ته مو ملګري داسې او هغسې وايي نو هغوی ته وايو: چې تاسې د نورو په خبرو پسې مه ګرځئ خپله د فکر او درک څخه کار واخلئ ، يا ځنې د خپلو کورنيو او ملګرو د نا خوښۍ د ويرې نه حقيقت نه درک کوي . همدا د هغوی د اسلام نه قبلولو وجه ده .
دوی د خپل اهل او ملګرو رضاء غواړي خو د خپل خالق رضا نه غواړي .
واجبه خو داده چې د خالق رضا د خپل اهل او ملګرو پر رضا باندې مخکې وي . پس چا چې د خپل خالق رضا ته اهميت ورکړ الحمدلله هغوی اسلام قبول کړ .
ډاکتر ذاکر :
خورې ته اوس مسيحی يی او که مسلمانه ؟
ځواب : زه د شپږو مياشتو راهيسې د اسلام په باره کې مطالعه کوم .
ډا کټر ذاکر : ډير ښه
آيا په دې باندې ايمان لرې چې الله يو دی ؟ هو
آيا په دې باندې ايمان لرې چې عيسی عليه السلام د الله تعالی بنده او رسول دی ؟ هو
ددې څخه ورسته شهادتين وايي : او د شهادتين ويلو پر مهال له خوښۍ څخه ډيره ډيره ژاړي .
او دا ژړا د څه لپاره ؟
دا د فطرت خوشحالي وي ځکه هر انسان فطرتاً مؤمن پيدا شوی دی نو کله چې فطرت له خپلې غوښتنې سره موافق شي د خوښۍ او خوشحالۍ اظهار کوي نو ځکه اکثره کسان د اسلام راوړلو پر مهال ژاړي دا د ډيرې خوښۍ او خوشحالی ژړا ده .
منبع : يوتيوب ذاکتر نايک چينل عربي
آن لاين اسلامي لارښود