۶- حلم او حوصله او له غصې څخه پرهيز

بې ځايه او ډير قهر او غصه کېدل ځينې وخت د سخت خطر سبب ګرځي لکه: دوښمني، عداوت او حتی د خولې څخه د کفر د الفاظو د وتلو سبب ګرځي . د قهر او عصې څخه پرهيز او د هغه کابو کول د متقيانو صفت دی، د دنيا او آخرت خير دی.

الله سبحانه وتعالی فرمايي: [الَّذِينَ يُنفِقُونَ فِي السَّرَّاء وَالضَّرَّاء وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللّهُ يُحِبُّ الْمُحْسِنِينَ] (آل عمران 134) .ژباړه: (پرهيزکاران هغه کسان دي چې په خوښۍ او نا خوښۍ دواړو حالاتو کې مالونه خيراتوي، قهر زغمونکي او خلکو ته عفوه کوونکي وي او الله پاک نيکي کوونکي خوښوي) .

جناب رسول صلی الله عليه وسلم ته يو کس راغی چې ما ته نصيحت وکړه، جناب دری ځله هغه ته په تينګار سره وويل چې :« لاَ تَغْضَبْ» (غصه مه کوه ) .

همدارنګه فرمايي: :«لا تغضب ولك الجنة »(رواه صحيح الجامع و الطبراني).

ژباړه: (غصه مه کوه تا لره به جنت وي) .

د والدين د پاره د حلم او غصې کولو څخه پرهيز کول پر دوی باندې د رحمت د نزول سبب ګرځي اولادنو ته يې نقش قدم ګرځي.

۷- حياء : او حيا د بدو او فاحشو کارونو مخنيوی کوي او سړی د خير طرف ته بيايي .

لکه څنګه چې ايمان سړي نيکو کارونو ته جلبوي او له بدو کارونو څخه يې منع کوي همداسې حياء هم ده ځکه د ايمان يوه برخه ده .

إِذَا لَمْ تَسْتَحِ فَاصْنَعْ مَا شِئْتَ»(البخاري).

ژباړه: هر کله چې شرم او حيا ونه لرې څه دې چې غوښتل هغه وکړه .

قول د « فَاصْنَعْ مَا شِئْتَ » صيغه د امر ده چې د تهديد او وعيد لپاره ده نه د امر لپاره

۸- د راز  ساتل :

 والدين بايد خپلو اولادونو د سر او راز ساتلو اهيمت وښايي چې د کور راز هيڅا ته نه وايي . او کور ، پلار او مور راز ساتې .

د راز ساتل له اسلامي اخلاقو څخه دی جناب رسول الله صلی الله عليه وسلم د هغه په اړه صحابه کرامو ته تعليم ورکولو . انس بن مالک رضی الله عنه وايي : أسَرَّ إليَّ نبيُّ الله صَلى اللهُ عليهِ وسلَّمَ سرّاً فمَا أخبرتُ بهِ أحَداً بعدُ.

ژباړه :ماته به چې جناب نبی صلی الله عليه وسلم کومه پټه د راز خبره وکړه نو بيا هغه هيڅ چا نه کوله .

آن لاين اسلامي لارښود

Print Friendly, PDF & Email