تعريف علم تفسير :
تفسير په لغت کې بيان او کشف ته وايي او په اصطلاح کې تفسير هغه علم دی چې په هغه کې د الله تعالی د کلام د فهم او مقصد ټاکلو څخه د بشر د توان موافق بحث کيږي .
يا په لڼد تفسير عبارت دی د قرآن د معنی له بيان څخه .
تأويل :
تأويل په لغت کې رجوع او ګرځېدو ته وايي او په اصطلاح کې د علم او عمل سره د يوې شي څخه ګرځېدل د حقيقي مراد او مقصدې لورې ته .
د تفسير او تأويل فرق :
علماء کرام د تفسير او تأويل په شرعي او اصطلاحي تعريف کې مختلف اقوال لري .
ابوعيبده او ځنې علماء وايي : دواړه يو معني لري .
ځنې علماء وايي : چې تفسير په معنی د روايت او تأويل په معنی د درايت دی او دا تعريف دوکتور وهبة زحيلي غوره کړی دی .
د علم تفسير حکم :
د قرآنکريم د تفسير حکم فرض کفايي دي کچېرې د هغه په زده کړې باندې ځينې کسان مشغول نو د نورو کسانو غاړه خلاصيږي ، او هيڅ څوک د هغه زده کړه نه کوي او څوک نه وي چې خلکو د هغه معنی او مقاصد بيان کړي نو ټول به ګنهکار وي .
آن لاين اسلامي لارښود