۱- مستحب به ده چې د نکاح تړون په حمد ، شهادتين ، درود شريف او څو لڼدو آيتونو پيل شي لکه ابن مسعود رضی الله عنه چې روايت کوي : الحمد لله نحمده، ونستعينه، ونعوذ بالله من شرور أنفسنا، ومن سيئات أعمالنا، من يهده الله فلا مضل له، ومن يضلل فلا هادي له، وأشهد أن لا إله إلا الله ، وأن محمداً عبده ورسوله

او دری لڼد آيتونه :

{يا أيها الذين آمنوا اتقوا الله حق تقاته، ولا تموتن إلا وأنتم مسلمون} [آل عمران:۱۰۲].
{يا أيها الناس اتقوا ربكم الذي خلقكم من نفس واحدة، وخلق منها زوجها، وبث منهما رجالاً كثيراً ونساء، واتقوا الله الذي تساءلون به والأرحام، إن الله كان عليكم رقيباً } [النساء:۱].
{يا أيها الذين آمنوا اتقوا الله ، وقولوا قولاً سديداً، يصلح لكم أعمالكم...} [الأحزاب:۷۰-۷۱].
او بيا به ووايي چې الله سبحانه وتعالی په نکاح کولو باندې امر کړی دی: { وأنكحوا الأيامى منكم والصالحين من عبادكم وإمائكم..} [النور:۳۲] لآية.

مستحبه ده چې يو خطبه په شروع کې ووايي ځکه د رسول الله صلی الله عليه وسلم څخه يو خطبه ثابته شوې ده .

(رواه الترمذي وصححه وأبو داود والنسائي والحاكم والبيهقي)

۲- د نکاح تړلو وروسته زوجينو او يا د هغوی واريثانو ته مبارکي ويل : بارک الله لک ( الله يې دې درته مبارک کړي ) او داسې نور ، د ابی هريرة رضی الله عنه روايت دی چې کله به نکاح وتړل شوه رسول الله صلی الله عليه وسلم به فرمايل : بارك الله لك، وبارك عليك، وجمع بينكما في خير(رواه أبو داود والترمذي وصححه وحسنه وابن ماجه).

يعنې : الله يې دې درته مبارک کړې او تاته دې مبارک وي او الله مو په خير يو ځای کړه .

۳- مستحبه ده چې نکاح د جمعې په په ماښام وتړل شي ځکه د جمعې ورځ شريفه او د برکت ورځ ده او ماښام ځکه برکتي دی چې د جمعې ورځې په پای کې يو ساعت دی چې په هغه کې دعا قبليږي .

په دليل د دغه حديث شريف : أمسوا بالمِلاَك، فإنه أعظم بركة.

۴- د نکاح اعلان :د نکاح اعلان او دائره وهل لقوله صلّى الله عليه وسلم : «أعلنوا النكاح (رواه أحمد وصححه الحاكم)

او د امام ترمذي په روايت کې د بې بې عايشې رضی الله عنها نه روايت دی: «أعلنوا النكاح، واضربوا عليه بالغِرْبال»

يعنې : اعلان کړئ نکاح ، او په هغه کې ووهئ دائره .

۵- د مهر ټاکل : د نکاح په وخت کې به مهر ټاکل کيږي ځکه چې د مهر ټاکل د زړه اطمنان دی او په آينده کې د اختلاف سبب نه کيږي او همدانګه سنت ده چې مهر في حال ادا شي ځکه چې ځنډ او تأخير د بعض او کېنې سبب کيږي .

۶- وليمه سنت ده ، وليمه هغه خوراک دی چې د نکاح د ميلمنو د پاره تيار شوی وي .

آن لاين اسلامي لارښود

Print Friendly, PDF & Email