کچېرې د نکاح ايجاب او قبول خپله قاعدين (خاوند او ښځه ) ونه کړي ، ښځه احتراماً او د حرمت د شدت له وېرې مجلس ته حاضره نشي او يا هلک خپله حاضر نشي نو دوی ته جايز ده چې د نکاح عقد يې د وکيل په ذريعه تر سره شي ، ايجاب او قبول يا خپله عاقدين کوي او يا هم د هغوی وکيل مګر که خپله قاعدين يا د هغوی وکيل ايجاب او قبول ونه کړي د نکاح تړون باطل دی .

اتفق الفقهاء على أنه يشترط لصحة الزواج أن يكون لمن يتولاه ولاية إنشائه، إما بالنفس وإما بالغير، فإذا وجدت هذه الولاية، صح العقد ونفذ، وإن فقدت بطل العقد عند الجمهور، وكان موقوفاً عند الحنفية (فقه اسلامي وادله ) .

د نکاح د ولي شرطونه :

۱- اهليت : په ولايت کې عقل ، بلوغ او حريت شرط دی د ليوني ، ماشوم او غلام ولايت نه صحي کيږي ، همدارنګه هغه کس چې سن يې زيات عقل يې ضعيف په نظر او پوه کې يې خلل وي نه صحي کيږي همدارنګه د سکران او نشې په حالت کې ولايت نه صحي کيږي .

۲- د دين اتفاق : کافر د مسلمان ولايت نشي کولای ، لقوله سبحانه وتعالی : {ولن يجعل الله للكافرين على المؤمنين سبيلاً} (النسآء ۱۴۱ ) .

ژباړه : او هيڅکله به ونه ګرځوي الله د پاره د کافرانو پر مؤمنانو باندې لاره (هيڅکله کافران د مسلمانانو واکمنان نشي کيدای ) .

۳- د احنافو په نزد په ولايت کې نارينه والی شرط نه دی ښځه هم د نکاح ولايت کولای شي مګر د جمهورو فقهاؤ په نزد په ولايت کې نارينه والی شرط دی .

د ولايت حق چا ته دی ؟

د ولايت حق قريبانو او نږدې خپلوانو ته چې عصبات بلل کيږي دی بيا هغوی ته نږدې لکه د حضرت علی رضی الله عنه نه چې روايت شوی دی : البنوة، ثم الأبوة، ثم الأخوة، ثم العمومة، ثم المعتق، ثم الإمام والحاكم.

چې ترتيب يې په لاندې ډول دی :

ښځې ته نږدی ولی د هغې زوی دی يا تر هغه ښکته لمسی .

پلار که پلار نه وي نيکه يا تر هغه پورته .

بيا د پلار د طرفه ورور هغه نه وي د د مور د طرفه ورور .

بيا وراره يا د وراره ځوی

بيا سکه تره بيا نا سکه تره او يا د تره زوی .

بيا نور عصبي خپلوان بيا حاکم ، يا د هغه نائب او بيا قاضی، للحديث المتقدم: «السلطان ولي من لا ولي له»

(فقه الاسلامي وادله ،البدائع: ۲۴۰/۲ ، فتح القدير: ۴۰۵/۲، 413 الدر المختار: ۴۲۹/۲ ) .
خبرداری :

د وکيل په ذريعه هغه وخت نکاح صحي کېدای شي چې هر کله بالغ هلک يا جينی پخپله ژبه سره اجازت ورکړي د نجلی چپوالی او ژړا د ولي د پاره اجازت دی مګر د وکيل د پاره اجازت نشي کيدای بلکي په واضح توګه به د نکاح تړولو د وکالت اجازت ورکوي .

آن لاين اسلامي لارښود

Print Friendly, PDF & Email