د اسلام سپيڅلي دين په بېلابېلو شکلونو خلک نکاح او واده کولو ته تشويق او ترغيب کړی دي لکه چې وايي : نکاح د پيغمبرانو عليهم السلام سنت او لاره ده واضح ده چې پيغمبران عليهم السلام د بشر د پاره لارښودونکي ګرځولي دي د هغوی اطاعت او پيروي کول یې پر خلکو واجب کړی دی ، الله سبحانه وتعالی فرمايي :

وَلَقَدْ أَرْسَلْنَا رُسُلا مِنْ قَبْلِكَ وَجَعَلْنَا لَهُمْ أَزْوَاجًا وَذُرِّيَّةً..(الرعد ۳۸) .

ژباړه : او يقيناً ليږلي وو مونږ ډير رسولان پخوا له تانه ( لکه چې راليږلی مو يې ته ) او ورکړي وو مونږ دوی ته ښځې او اولادونه .

د ترمذي په حديث کې د ابو ايوب رضی الله عنه په روايت سره رسول الله صلی الله عليه وسلم فرمايي : ” أربع من سنن المرسلين: الحياء والتعطر والسواك والنكاح “(الترمذي).

يعنې: څلور شيان د پيغمبرانو سنت دي : نکريزې ، عطر او خوشبويي ، مسواک او نکاح .

الله سبحانه وتعالی واده کول پر بندګانو باندې د منت په توګه داسې بيانوي :

[وَاللَّهُ جَعَلَ لَكُمْ مِنْ أَنْفُسِكُمْ أَزْوَاجًا وَجَعَلَ لَكُمْ مِنْ أَزْوَاجِكُمْ بَنِينَ وَحَفَدَةً وَرَزَقَكُمْ مِنَ الطَّيِّبَاتِ] (النحل ۷۲ ).

ژباړه : او الله پيدا کړی دي تاسې ته د ستاسې د جنس څخه ښځې ( جوړه جوړه يې ګرځولې ياست چې زړه مو ورسره آرام شي ) او پيدا کړي يې دي تاسې ته له ښځو ستاسې ځامن او لمسي او رزق يې درکړی تاسې ته له پاکو شيانو .

او همدارنګه الله سبحانه وتعالی نکاح او واده د خپل قدرت د نښو په توګه بيانوي :

[وَمِنْ آَيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً إِنَّ فِي ذَلِكَ لَآَيَاتٍ لِقَوْمٍ يَتَفَكَّرُونَ] (الروم ۲۱) .

ژباړه: او د هغه به نښو کې يوه دا هم ده چه هغه ستاسو د جنس نه ستاسو جوړې پيدا کړې د پاره ددې چه تاسې د هغې سره آرام حاصل کړئ او هغه ستاسو په مينځ کښی الفت اومحبت پيدا کړی .

آن لاين اسلامي لارښود

Print Friendly, PDF & Email