الجناية علی الجنين ( د مور په ګېډه کې د بچي جنايت )

که څوک کومه حامله مور په خيټه يا کوم بل ځای کې ووهي او يا درمل ورکړي او حمل يې له مينځه لاړ شي لاندې حالات لري :

۱- کچېرې د مور څخه مړ جنين ولويږي نو جاني باندي د جنين ديت دی هغه که قصداً وي يا په خطا سره ، نارينه يا ښځينه د جنين ديت غزة دی .

د غزة قيمت پنځه اوښان يا پنځوس ديناره او يا پنځه سوه درهمه دي ، د امام ابوحنيفه په نزد په قاتل باندې کفاره واجب نده مګر مستحب ده ، په دليل د دغه حديث شريف :

(فقه الاسلامي وادله ،البدائع: ۳۲۶/۷، الدر المختار: ۴۱۸/۵) .

۲- که د مور د مرګ وروسته د هغه جنين هم مړ وي د مور کامل ديت دی د جنين ديت نشته .(فقه الاسلامي وادله ، البدائع: ۳۲۶/۷) .

۳- که څوک حامله ووهي يا درمل ورکړي کچيرې جنين ژوندی ولويږي خو وروسته مړ شي کامل ديت به ادا کوي .

(فقه الاسلامي وادله – البدائع: ۳۲۶/۷، الدر المختار: ۴۱۷/۵)

د جنين د ديت د وجوب شرطونه :

۱- دا چې جنين به د وهلو او درمل په وسيله تلف شوی وي .

۲- دا چې جنين به مړ وي که ژوندی او سالم وتلی وي ديت نشته .

(الفقه الاسلامي ودله – الجناية على الجنين) .

آن لاين اسلامي لارښود

www.dawat610.com

Print Friendly, PDF & Email

اترك تعليقاً

آن لاين اسلامي لارښود حفظها الله په افغانستان کې د اهل سنت والجماعت (مذهب امام ابوحنيفه رحمه الله ) د ديني څيړنو او تحقيقاتو يوه معتبره پاڼه ده چې هدف يې ټولنې ته د شرعي اوامرو رسول د کفر ، شرک ، بدعت او ټولو نا روا کړنو پر وړاندې په دلائلو ولاړه کلکه مبارزه ده دا پاڼه کاملاً شخصي ده او مصارف يې کاملاً شخصي د انفاق فی سبيل الله څخه دي