وعن أَبي هُريرةَ رضي اللَّهُ عنهُ أَنَّ رجلاً قال: يا رسول اللَّه، إني أُرِيدُ أَن أُسافِر فَأَوْصِنِي، قال: « عَلَيْكَ بِتقوى اللَّه، وَالتَّكبير عَلى كلِّ شَرفٍ فَلَمَّا ولَّي الرجُلُ قال: «اللَّهمَّ اطْوِ لهُ البُعْد، وَهَوِّنْ عَليهِ السَّفر » رواه الترمذي وقال: حديث حسن.

له ابوهریرة رضي الله عنه څخه روایت دی چې یوه سړي وویل: یا رسول الله صلي الله علیه وسلم غواړم په سفر ولاړ شم، وصیت را ته وکړي!
نبي صلي الله علیه وسلم وفرمایل: د الله جل جلاله تقوي اختیار کړه، او په هره لوړه چې کله خیژي تکبیر وایه او کله چې هغه سړي لاړو، ویي فرمایل: یا الله لرې لاره ورته را لنډه کړه او سفر یي ورته اسانه کړه.
د دې حدیث شریف نه معلومیږي څوک چې په سفر باندې ځي په همدې طریقه سره خپل سفر کوي د الله جل جلاله تقوي اختیاروي، او په لوړه باندې د ختلو په وخت کې تکبیر وایي الله جل جلاله به ورته په لاره او سفر کې اساني را ولي.
بل حدیث شریف کې فرمایي:

وعن أَبي موسى الأَشعَريِّ رضي اللَّه عنه قال: كنَّا مَع النبي صَلّى اللهُ عَلَيْهِ وسَلَّم في سَفَر، فكنَّا إذا أَشرَفْنَا على وادٍ هَلَّلنَا وكَبَّرْنَا وَارْتَفَعتْ أَصوَاتنا فقالَ النبي صَلّى اللهُ عَلَيْهِ وسَلَّم:« يا أَيُّهَا الناس ارْبَعُوا عَلى أَنْفُسِكم فَإنَّكم لا تَدعونَ أَصَمَّ وَلا غَائِبا. إنَّهُ مَعكُم، إنَّهُ سَمِيعٌ قَريبٌ » متفقٌ عليه.

له ابو موسي اشعري رضي الله عنه څخه روایت دي چې ویي ویل: مونږ له نبي صلي الله علیه وسلم سره په سفر روان وو کله به چې درې یا وادي ته ورسیدو لا اله الا الله و الله اکبر به مو ویله او غږ به مو پورته کیدلو، پس نبي صلي الله علیه وسلم وفرمایل: اې خلکو په خپلو ځانونو باندې نرمي وکړئ ځکه تاسې هغه ذات نه را بولي چې هغه کوڼ او غائب وي هغه ذات تاسې سره دی، هغه اوریدونکی دی او نژدې دی.
د دې حدیث شریف نه معلومه شوه چې په همواره او دښته کې د (لا اله الا الله و الله اکبر) ویل یو د لارې له ادابو څخه دی چې مونږ یې له الله جل جلاله څخه وغواړو چې مونږ ته پرې د عمل کولو توفیق راکړي او دا چې دغه اذکار په ټیټ اواز سره وویل شي لکه چې نبي علیه السلام خپلو صحابه کرامو ته توصیه کړې چې خپل ځانونه په تکلیف کې مه اچوي(په لوړ اواز ویلو سره) تاسې هغه ذات را بولي چې هغه اوریدونکي دي همیشه له تاسې سره دي ستاسې د هر عمل لیدونکي دي.
الله جل جلاله د مونږ ته د نبي علیه السلام اتباع نصیب کړي.
امین یا رب العلمین

Print Friendly, PDF & Email