د خنزير د غوښې خوړل ولې حرام دي ؟

اسلام علیکم ورحمته الله وبرکاته
الله (ج) دې اجر درکړي چې دومره نیک کار ته مو لاس اچولې
زه یوه پوښتنه لرم او هغه دا چې د خوګ د غوښې خوړل ولې حرام دي، صرف دومره خبر یم چې مردار دې، خپل فاضله مواد خوري، او بل یهودیان عیسویان ولې د خوږ غوښه ډیر خوري ولې د دې پر ځاې د سپیو او نورو مردار ځناورو غوښه نه خوري. که په تفصیل سره جواب راکړۍ ډیره مهرباني به مو وي.

امیرمحمد اهنګر – ناروې اوسلو

ځواب

بسم الله الرحمن الرحيم

د خنزير غوښه ځکه حرامه ده چې اسلامي شريعت هر هغه څه حرام ګرځولي دي کوم چې د انسان د عقل او صحت د پاره مضر وي .

الله جل جلا له  فرمايي :  وَيُحِلُّ لَهُمُ الطَّيِّبَاتِ وَيُحَرِّمُ عَلَيْهِمُ الْخَبَائِثَ (الاعراف ۱۵۷)

الطيبات (پاک څيزونه ) ټول هفه شيان کوم چې په هغه کې د انسان د بدن د پاره ګټه وي ، بدن ته مضر نه وي ، عقل ته مضر نه وي ، او هغه شيان چې د انسان بدن ته زيان رسوي ګټور نه وي نا پاک او خبائث بلل کيږي .

او بل دا چې د اسلام عمومي قاعده چې (لا ضرر ولا ضرار‏ ) په اسلام کې ځان او بل ته ضرر رسول حرام دي .

د خنزير غوښه د انسان بدن ته ضرر رسوي او د خنزير په غوښه کې ډير جراثيم کشف شوي دي .

او بل علماء ليکي چې دا يوازنی حيوان دی چې غيرت نه لري او په دې حيوان کې همجنس بازې هم شتون لري چې د غوښې په خوړلو سره يې دغه بد عادت انسان نقليږي .

و الله سبحانه وتعالی اعلم

آن لاين اسلامي لارښود

Print Friendly, PDF & Email

ځواب دلته پرېږدئ

آن لاين اسلامي لارښود حفظها الله په افغانستان کې د اهل سنت والجماعت (مذهب امام ابوحنيفه رحمه الله ) د ديني څيړنو او تحقيقاتو يوه معتبره پاڼه ده چې هدف يې ټولنې ته د شرعي اوامرو رسول د کفر ، شرک ، بدعت او ټولو نا روا کړنو پر وړاندې په دلائلو ولاړه کلکه مبارزه ده دا پاڼه کاملاً شخصي ده او مصارف يې کاملاً شخصي د انفاق فی سبيل الله څخه دي