السلام علیکم.
ګرانو قدرمنو علماؤ تاسو نه هیله کوم. چی د سوال جواب مو په تفصیل راکړۍ.
سوال: عکسونه ویستل د اسلام له نظره جائز نه دې خو بهر حال کوم عکسونه چی د یادګارې ځایونو اویستلی شی. نو څنګه دې؟ چی صرف سیندرې یا تاریخی مقام یا د ماڼې عکس چی د انسان یا ځناور عکس ورسره نه وې پویست.

خان محمد

ځواب

بسم الله الرحمن الرحيم

بې ضرورته د ذی روح تصويرونه اخيستل لکه انسان ، حيوان ، مرغه و غيره حرام دي ځکه چې په اړه يې ډير سخت او شديد وعيدونه ذکر شوي دي ، په اسلام کې د تصوير حکم دلته وګورئ .

ضرورت لکه : تذکره ، پاسپورت وغيره .

فرق نه کوي که دا په لاس باندې رسم شي يا په کمره ، کمپيوټر و غيره آلاتو باندې تر سره شي .

فتاوی المحمودي حنفي ليکي :

«‌و  لکن‌کثیراً  من  علماء  البلاد  العـربیة  و  جلٌهم  أوکلٌهم  فی  البلاد  الهندیة‌،  قد  أفتوا  بأنه  لا  فرق  بین  الصورة  المرسومة  و  الصورة  الشمسیة  فی  الحکم  ولنحک  لک  اقوال  بعض المعاصرين  من  علماء  البلاد  العربیة‌.

و  قال  الاستاذ  العلامة  محمد  تقي  العثمـانی  مد  ظله‌ العالی  فی  شرح  مسلم‌:

«‌و  الواقع  ان  التفریق  بین  الصور  المرسومة  و  الصور  الشمسیة  لا  ینبغی  علی  اصل  قویٌ     و  من  المقرر  شرعاً  ا‌ن  ما  كان  حراماً  او  غیر مشروع  في اصله  لا  یتغیر  حكـمه  بـتغیٌر  الآلة  فالخمر  حرام‌،  سواء  خمّرت  بالید  او  بالماکينات  الحدیثة و  القتل  حرام  سواء  باشره  المـرء  بالسکين أو  باطلاق  الرصاص‌،  فکذلك  الصورة  قد  نهی  الشارع  عن  صنعها  و  اقتنائها،  فلا  فرق  بمنا  کانت  الصورة  قد  اتخذت  بریشة  المصوٌر  أو  بالآلات  الفوتوغرافية‌.  و  الله  سبحانه  اعلم‌»‌.(تكملة فتح الملهم:4/163)

خلاصه : بې ضرورته د تصوير اخيستل ، آپلوډ کول ، چاپول او نشرول حرام دي ځکه چې د تصوير په باره کې سخت وعيدونه راغلي دي ، ددې عمل څخه ځان ساتل په کار دي .

بل دا چې غير اخلاقي او شهوت پارونکي تصويرونه د بې حيایی او فحشاء خرول دي کبيره ګناه ده او د داسې کسانو د پاره د سخت عذاب خبرداری دی کوم چې غواړي په خلکو کې بې حيايي او فحشاء خپره کړي .

قوله تعالی : إنَّ الَّذِينَ يُحِبُّونَ أَنْ تَشِيعَ الْفَاحِشَةُ فِي الَّذِينَ آَمَنُوا لَهُمْ عَذَابٌ أَلِيمٌ فِي الدُّنْيَا وَالْآَخِرَةِ وَاللَّهُ يَعْلَمُ وَأَنْتُمْ لَا تَعْلَمُونَ (حج ۱۹)

يقيناً هغه کسان چې غواړي د مؤمنانو په ډله کې فحشاء او ناوړه کارونه خواره کړي هغوی په دنيا او آخرت کې د سخت دردناک عذاب وړ دی الله جل جلا له پوهيږي او تاسې نه پوهيږی .

د ونو ، غرونو او ټولو بې روح شيانو رسمول مباح دي ځکه :

ابن عباس رضي الله عنه وايي:

إِنْ كُنْتَ لَا بُدَّ فَاعِلًا فَاصْنَعْ الشَّجَرَ وَمَا لَا نَفْسَ لَهُ ( رواه البخاري او مسلم

(که بِغیر له دې کار چاره نه لرې نو د ونې او بې روح شيانو تصوير رسموه )

و الله سبحانه وتعالی اعلم

آن لاين اسلامي لارښود

Print Friendly, PDF & Email