قصداً بې اودسه لمونځ کول څه حکم لري ؟

سلامونه اونیکی هیلی می ومنی که څوک قصدا بی اودسه لمونځ وکړی اوبیایی قضایی راوګرځوی څه حکم لری

صميم

ځواب

بسم الله الرحمن الرحيم

د امت په اتفاق سره که څوک بغير له اودس څخه لمونځ وکړي لمونځ باطل دی قضايي يې واجبه ده .

د جهورو فقهاؤ په اتفاق که څوک استهزاءً او تمسخوراً يا حلال ګڼلو سره بې اودسه لمونځ وکړي کافر کيږي .

د امام ابوحيفه رحمه الله په نزد که څوک د سستۍ د وجې نه بې اوسه لمونځ وکړي کافر کيږي ځکه دا خپله مسخرې او استهزاء ده “البحر الرائق” (1/151،302) ، (5/132) ، “حاشية ابن عابدين” (3/719) .

لکن د جمهورو فقهاؤ په نزد که څوک د سستۍ له وجې بې اودسه لمونځ وکړي نه کافر کيږي بلکي داسې کول عظيمه ګناه ده .

امام نوی رحمه الله په شرح مسلم کې ليکي : لو صلى محدثا متعمدا بلا عذر أثم، ولا يكفر عندنا وعند الجماهير، وحكي عن أبي حنيفة – رحمه الله تعالى – أنه يكفر لتلاعبه، ودليلنا أن الكفر للاعتقاد وهذا المصلي اعتقاده صحيح اهـ.

العيني حنفي هم په دې نظر دی : ومن الحنفية من وافق الجمهور، قال العيني الحنفي في شرح أبي داود: لو صلى محدثاً متعمداً بلا عذر أثم ولا يكفر اهـ.

و الله سبحانه وتعالی اعلم

آن لاين اسلامي لارښود

Print Friendly, PDF & Email

اترك تعليقاً

آن لاين اسلامي لارښود حفظها الله په افغانستان کې د اهل سنت والجماعت (مذهب امام ابوحنيفه رحمه الله ) د ديني څيړنو او تحقيقاتو يوه معتبره پاڼه ده چې هدف يې ټولنې ته د شرعي اوامرو رسول د کفر ، شرک ، بدعت او ټولو نا روا کړنو پر وړاندې په دلائلو ولاړه کلکه مبارزه ده دا پاڼه کاملاً شخصي ده او مصارف يې کاملاً شخصي د انفاق فی سبيل الله څخه دي