Untitled

پوښتنه
اسلام عليکم ورحمه الله وبرکاه!
په دې ورځو کې دځينو ځوانانو له خولې دا خبره اورم چې په کومه رسنۍ کې يو عالم ناست و او موسيقي يې روا بلله او ويل چې په قران کريم کې داسې صريح ايت نشته جې په هغې کې دې دموسيقی حرمت بيان شوی وي او يا هم داسي نبوي حديت نشته چې پکې دې دموسيقۍ حرمت ته اشاره شوې وي ،نوپه دې اساس موسيقي اورېدل يو روا کاردی . غواړم ددې مسلې ځواب ستا سو له نظره په بشپړه تو ګه واخلم . په اسلامي مينه

سيد مجتبی

———————————————

ځواب

بسم الله الرحمن الرحيم

د دا ډول ملايانو او بې عمله علماؤ فتنه انګيزې فتواوې په دوو وجو د تعجب وړ نه دي :

اول : دا خو همغه ملايان دي چې د يهودو او نصاراؤ سره يې د دوستۍ اعلان کړی ، مستأمنين يې بولې حال داچې قرآن او سنتو د يهودو او نصاؤ له دوستۍ څخه سخته منع فرمايلي ( د هغوی د عقائد او قانون خوښول او د اسلام او مسلمانانو پر خلاف يې ملاتړ او دوستي کول )، دا خو همغه ملايان دي چې د يرغلګرو کفارو وژل حرام خو د کفارو په لاسونو باندې د مسلمانانو وژل حلال بولي کوم ملايان چې دوښمن دوست ګڼې او دوست دوښمن ، کوم ملايان چې د قرآن پر وړاندې د ملل کفري او ديموکراسي د قوانينو منل اسلام بولې نو که دا ډول ملايان موسيقي جايزه او حلاله وګڼې څه د تعجب خبره نه ده او مسلمانان بايد د هغوی په دغه شيطاني ګفتار ونه غوليږي .

دوهم : ددې ډول ملايانو په خوله باندې د موسيقي حلال ګڼل ځکه د تعجب وړ نه ده چې جناب رسول الله صلی الله عليه وسلم د داسې کسان په اړه پخوا مونږ ته خبردارئ راکړئ دی چې زما په امت کې به همداسې کسان پيدا شي چې دوی به موسيقي (ساز سرود ) جايز بولي لکه په لاندې حديث شريف کې چې رسول الله صلی الله عليه وسلم فرمايلي دي : ليكونن من أمتي أقوام يستحلون الحرو الحرير والخمر والمعازف، (البخاری 5590 )

ژباړه : يقيناً زما په امت کې به داسې کسان پيدا شي چې دوی به د زنا فاحش عمل ،ابريشم ،شراب،ساز او موسيقي حلال بولي .

جناب رسول الله صلی الله عليه وسلم مونږ ته پخوا خبرداری راکړئ دی چې پام کوئ داسې کسان به پر تاسې کې پيدا شي چې دوی به حلال حرام او حرام حلال ګڼې خو تاسې به تر هغه پورې ګمراه نشئ څو پورې مو چې پر قرآن او سنتو منګولي نښلولې وي .

د موسيقي د حرمت په اړه قراني دلائل :

قال الله تعالی : وَمِنَ النَّاسِ مَنْ يَشْتَرِي لَهْوَ الْحَدِيثِ لِيُضِلَّ عَنْ سَبِيلِ اللَّه بِغَيْرِ عِلْمٍ ِ  وَيَتَّخِذَهَا هُزُواً أُولَئِكَ لَهُمْ عَذَابٌ مُهِينٌ (لقمان 6 ) .

د ابن مسعود رضی الله عنه څخه د لهو الحديث په اړه وپوښتل شول هغه يې په اړه داسې فرمايلي :

قال : الغناء و الله الذي لا إله إلا هو – دری ځله يې دا کلمات تکرار کړل  چې پر الله قسم د لهو الحديث نه مراد سندرې او موسيقي ده .

قال ابن عباس رضي الله عنه : هوالغناء،وقال مجاهد رحمه الله: اللهوالطبل (تفسيرالطبري) وقال الحسن البصري رحمه الله: “نزلت هذه الآية في الغناء والمزامير” (تفسيرابن كثير). قال ابن القيم رحمه الله: “ويكفي تفسيرالصحابة والتابعين للهو الحديث بأنهالغناء .

چې رئيس المفسرين ابن عباس رضی الله عنه او د صحابه د دور جيد عالم ابن مسعود رضی الله عنه يې موسيقي بولي ، آيا د صحابه کرام خبره به صحي وي او د نن زمانې د دغه دجالانو چې حلال حراموي او حرام حلالوي ؟

همدارنګه الله سبحانه وتعالی فرمايي : أَفَمِنْ هَذَا الْحَدِيثِ تَعْجَبُونَ ، وَتَضْحَكُونَ وَلاَ تَبْكُونَ   وَأَنتُمْ سَامِدُونَ (النجم ۵۹-۶۱ )

ژباړه : آيا همدا همغه خبرې دي چه تاسی پرې تعجب ښکاره کوئ خاندی اوژاړی نه او په سندرو ويلو سره دهغه مخه نيسي.

په تفسير ددی آيت کی ابن عباس رضی الله عنه فرمايی د (سمود) د يمن د خلکو په ژبه موسيقی او سندرو ويلو باندی اطلاق دی ،اوکله به چه کفارو قرآن اوريدلو نوموسيقی ،سندرې اوبازۍ به يی کولې ترڅو خلک د قرآن له اوريدلو منع کړي.

همدارنګه الله سبحانه وتعالی فرمايي : وَاسْتَفْزِزْ مَنِ اسْتَطَعْتَ مِنْهُمْ بِصَوْتِكَ واَجْلِبْ عَلَيْهِم بِخَيْلِكَ وَرَجِلِكَ وَشَارِكْهُمْ فِي الأَمْوَالِ وَالأَوْلادِ وَعِدْهُمْ وَمَا يَعِدُهُمُ الشَّيْطَانُ إِلاَّ غُرُورًا (اسراء ۶۴ )

ژباړه : ويې ښويه او ذليل يې کړه څومره دې چه وس وي هغه څوک پخپلی بلنی (دعوت د معصيت فحشاء او وسوسو طرف ته ) خپل سواره او پلي لښکرې ورباندې راوله او په مالونو او اولادونو کې ورسره برخه وال شه او هغوی د وعدو په دام کې ونښلوه او دشيطان وعدی پرته له غولونی نور هيڅ نه وي .

په دی آيت کې الله تعالی ټولو اسلام دوښمنو شيطانانو ته خطاب کوي چه هرهغه څوک چه کولای شي په خپل تحريک کوونکی آواز وښويوئ چه ددی آيت په متعلق عبدالله ابن مسعود رضی الله عنه  د شيطانی غږ نه مراد د بې شرميو خواته تحريک کوونکی سندری او موسيقی ښولی دي.

او الله سبحانه وتعالی فرمايي :وَالَّذِينَ لَا يَشْهَدُونَ الزُّورَ وَإِذَا مَرُّوا بِاللَّغْوِ مَرُّوا كِرَامًا (الفرقان 72).
(او هغه کسان دي چې د درواغو شاهدې نه وايي او که په کوم عبث او با بيزه شي باندې ورشي نو شريفانه ور څخه تېرېږي) .

ابن کثير وايي : دلته د الزور نه غنا (موسيقي ) مراد ده ، او قرطبي او طبري د مجاهد قول نقلوي چې : وَالَّذِينَ لَا يَشْهَدُونَ الزُّورَ ( هغه کسان مراد دي چې موسيقي نه اروي ) ( تفسير ابن کثير ، قرطبی او طبري ) .

د موسيقي حرمت په نبوي سنتو کې :

لومړی د یخاري شريف حديث :

جناب رسول الله صلی الله عليه وسلم فرمايلي : ليكونن من أمتي أقوام يستحلون الحرو الحرير والخمر والمعازف، (البخاری 5590 )

ژباړه : يقيناً زما په امت کې به داسې کسان پيدا شي چې دوی به د زنا فاحش عمل ،ابريشم ،شراب،ساز او موسيقي حلال بولي .

په حديث شريف : موسيقي د زنا او شرابو سره يو ځای او په يوه خط کې بيان شوي ده چې شراب او موسيقي د فحاشت اهم اسباب دي .

دوهم حديث :

عن عبد الله بن عباس رضي الله عنهما قال: قال رسول الله صلى الله عليه وسلم:
“إن الله حرم علي – أو حرم – الخمر والميسر والكوبة وكل مسكر حرام”.
أخرجه أبو داود 3696 والبيهقي 10 / 221 وأحمد في المسند 1 / 274 وفي الأشربة رقم 193 وأبو يعلى في مسنده 2729 وعنه ابن حبان في صحيحه 5341 وصحيحه شيخ الالباني فی الجامع- الصفحة أو الرقم: 5194

ژباړه : د عبدالله بن عباس رضی الله عنهما نه روايت دی چې رسول الله صلی الله عليه وسلم فرمايلي : الله تعالی حرام کړي دي شراب ، قمار ، طبله او نشه کوونکي حرام شی .

دريم حديث :

وقال صلى الله عليه و سلم: « صوتان ملعونان، صوت مزمار عند نعمة، و صوت ويل عند مصيبة » (إسناده حسن، السلسلة الصحيحة 427)

ژباړه : او رسول الله صلی الله عليه وسلم فرمايلي : دوه لغت شوي غږونه ډي ، چې غږ د سندرو د ساز په وخت کې ، او غږ د فریاد او چيغو د مصيبت په وخت کې  .

څلورم  حديث :

عم جابر رضی الله عنه قال رسول الله صلی الله عليه وسلم : وإنما نهيت عن صوتين أحمقين فاجرين: صوت عند نغمة لهو ولعب ومزامير شيطان، وصوت عند مصيبة: خمش وجوه وشق جيوب ورنة » (قال الترمذي: هذا الحديث حسن، وحسنه الألباني صحيح الجامع 5194) .

ژباړه : جابر رضی الله عنه د رسول الله صلی الله عليه وسلم نه داسې روايت نقل کړی دی چې هغه فرمايلي : يقيناً مونږ منع شوي له دوو فاجرو او احمو شيطاني غږونو څخه چې هغه د سازسرود او موسيقي په وخت کې غږ دی او مصيبت په وخت کې د بې صبرۍ غږ دی چې مخ شکوي او ګريیان څيروي غږ پورته کوي .

پنځم حديث :

وروى أبو داوود في سننه عن نافع أنه قال: « سمع ابن عمر مزمارا، قال: فوضع أصبعيه على أذنيه، ونأى عن الطريق، وقال لي: يا نافع هل تسمع شيئا؟ قال: فقلت: لا ! قال: فرفع أصبعيه من أذنيه، وقال: كنت مع النبي صلى الله عليه وسلم، فسمع مثل هذا! فصنع مثل هذا » (حديث صحيح، صحيح أبي داوود 4116).) .

ژباړه : ابوداود پخپل مسند کې له نافع څخه روايت کوي چې : ابن عمر رضی الله عنه موسيقي وارويده نو پخپلو غوږونو کې ګوتې د ننه کړې او له لارې تير شو او ما ته يې وويل : ای نافع ! آيا ته څه اروې ؟ ومي ويل نه ! کوتې يې له غوږونو ويستلې او ويې ويل : مونږ د جناب رسول الله صلی الله عليه وسلم سره وو ، ددې په شان مو وارويدل (موسيقي مو وارويده ) بيا مو همداسې وکړل .

پنځه نور احاديث او د مذاهبو په لسګونو اقوال شته چې د مطلب د خلاصې د پاره به ان شآء الله همدا کافي وي .

اي د موسيقۍ پټنګانو !

د الله او د ليلا ياد په يو زړه کې نشي جمع کيدای .

د قرآن او موسيقۍ مينه په يوه زړه کې نشي جمع کيدای.

عبادت او مجازي عشق په يو زړه کې نشي جمع کپدای.

پيدا کړي الله تعالی يو ژوندې کړي الله تعالی يو او بيرته مو ورتګ د هغه په لورې دی ، دا چې په کور کې موسيقي ، په لاره او موټر کې موسيقي ، په راديو او تلويزيون کې موسيقي او موبايل کې موسيقي وي ، او ټوله ورځ د الله پر ځای جانان او ليلا ، عشق او عشقبازي يادوئ نو آيا په آخره خاتمه کې به څه يادوئ ؟ د جانکندن پر مهال به څه يادوئ ؟

دا چې د شيطان خوندره شيطاني غزا ( موسيقي ) د روح سکون او آرام بولئ ، نو بيا ولي خپل مړي په ساز اوموسيقي نه خښوئ تر څو ستاسو روح آرام کړي او غم مو کم کړي هلته ولې په ملا او قاري پسې منډې وهي چې قرآن ولولي تر څو روح مو آرام شي ؟

مه کوئ د دنيا محدود ژوند په لهو لعبو مه تيروئ .

و الله سبحانه وتعالی اعلم

آن لاين اسلامي لارښود

Print Friendly, PDF & Email