۱- دعفت اوعصمت ساتنه :

د اسلام په نزد باندې د نکاح د ټولو نه لوی مقصد د انسان د هغه فطري پاکدامنۍ او پرده دارۍ حفاظت کول دي کوم چه په هر انسان کې که نر وي او که ښځه په فطری ډول موجود وي .

د همدې هدف د حفاظت لپاره اسلام زنا او د هغه اړوند ټول اسباب لکه بې حجابي ،بې حيايي ،د بې شرمۍ خبری او د نامحرم سره ګډون کول حرام ګرځولي دي .

سړی او ښځه يې دواړه مجبور کړي چه هغوی دواړه دې د يوې داسې رابطې په ذريعه سره خپل فطري تعلق قائم کړي چه د هغې په ذريعه سره د هغوی عصمت د زيانمن کيدو پرځای محفوظ شي .

قوله تعالی :[فأانكِحُوهُنَّ بِإِذْنِ أَهْلِهِنَّ وَآتُوهُنَّ أُجُورَهُنَّ بِالْمَعْرُوفِ مُحْصَنَاتٍ غَيْرَ مُسَافِحَاتٍ وَلاَ مُتَّخِذَاتِ أَخْدَانٍ] (النساء ۲۵ ).

 ژباړه : تاسې د دوی د ذمه دارو مشرانو په اجازت سره د دوی سره نکاح کوئ او د طاقت مطابق د دوی مهر ادا کوئ هغه دې پابندې شوې او پاکدامنه اوسيږي – په ښکاره يا پټه سره دی شهوت راني نه کوي .

۲- الفت اومحبت :

د نکاح دوهم هدف د خاوند او بی بی تر مينځ محبت دی داسې نه چه د ښځی او ميړه تعلق صرف د نفساني خواهش پوره کولو لپاره وي بلکی دا تعلق د دوی د محبت او دوستۍ يو مظبوط بنياد ثابت شي چه ددې پواسطه سره د دواړو آرام او خوشحالي حاصله شي او د يو او بل تسل وګرځي دا لومړی بنسټ دی چه ورسته به همدا خاوند اوښځه مور او پلار ګرځي او د اولادونو روزنه به کوي .

قوله سبحانه و تعالی :[وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً] (الروم ۲۱ )

ژباړه: او د هغه به نښو کې يوه دا هم ده چه هغه ستاسو د جنس نه ستاسو جوړې پيدا کړې د پاره ددې چه تاسې د هغې سره آرام حاصل کړئ او هغه ستاسو په مينځ کښی الفت اومحبت پيدا کړي .

او فرمايي :[هُنَّ لِبَاسٌ لَّكُمْ وَأَنتُمْ لِبَاسٌ لَّهُنَّ] (البقره ۱۸۷ ).

ژباړه : هغه ستاسو لپاره جامه ده او تاسې د هغوی د پاره .

۳- د الله تعالی د حدودو قيام :

د نکاح دريم هدف دا دی چه دا تعلق د خدای تعالی د مقرر کړو حدودو د قائم ساتلو سبب جوړ شي .

 [أَن يُقِيمَا حُدُودَ اللّهِ] (البقره ۲۳۰ )

يعنې: چه دا دواړه د الله تعالی حدود قائم وساتلی شي .

د نکاح او طلاقو د احکامو بيانولو نه پس ويل شوي دي :وَمَن يَتَعَدَّ حُدُودَ اللّهِ فَأُوْلَـئِكَ هُمُ الظَّالِمُونَ (البقره ۲۲۹ )

ژباړه: کوم خلک چه د الله تعالی د قائم کړو حدودو نه تجاوز وکړی دغه ظالمان دي .

ددی وجه نه د مسلمانانو نکاح د کافرانو سره حرام ګرځول شوي ده چه د کافرانو نه د الله تعالی د حدودو د قائم ساتلو توقع نشي کيدای .

لکه څنګه چه د مشرک او مشرکی سره نکاح کول حرام دي د شريعت د حکم له مخې که څه هم چه تاسو ته ښه ښکاري خو بيا هم د دوی سره نکاح مه کوي ځکه چه :

[أُوْلَـئِكَ يَدْعُونَ إِلَى النَّارِ وَاللّهُ يَدْعُوَ إِلَى الْجَنَّةِ وَالْمَغْفِرَةِ بِإِذْنِهِ] (البقره ۲۲۱ ).

ژباړه: دا خلک تاسې د دوزخ طرف ته بولي او خدای پاک پخپل حکم سره تاسې د جنت او بښنې طرف ته بولي .

 ۴- څلورم نسب :

د نکاح څلورم هدف دا دی تر څو ټولنې ته پاک او معلوم نسل وړاندې کړي  .

Print Friendly, PDF & Email