د کعبې شريفې لنډه پېژندنه

د مکې مکرمې ښار د ځمکې پر مخ له ټولو ښارونو څخه محترم او غوره ښار دی چې تقريباً د ځمکې په وسط کې قرار لري ، په دغه ښار کې بيت الله شريف په برابر او موازي د [بيت المعمور] کوم چې د آسمان د مخلوق عبادت ځای دی قرار لري (يعنې دواړه بيتې يو د بل په برابر او موازي قرار لري ) .

بيت الله شريف لومړی ځل ملائيکو جوړه کړي ده وروسته بيا حضرت آدم عليه السلام ، حضرت شيث بن آدم عليه السلام ، حضرت ابراهيم عليه السلام او حضرت اسماعيل عليه السلام او وروسته د قريشو لخوا ورغول شوه چې خپله جناب رسول الله صلی الله عليه وسلم د هغه په رغولو کې برخه اخيستې او د قريشو د مشرانو په ګډون يې د حجر اسود ډبره په خاص ځای کې ځای پر ځای کړې ده .

وروسته بيا په کال د 65 هجري د حضرت عبدالله بن زبير او په کال د 74 هجري د سلطان مراد عثماني او په کال د 1417 هجري د ملک فهد لخوا رغول شوې ده .

بيت الله مربع شکله ده چې ابعاد يې په لاندې ډول دي :

–          طول يې د ملتزم لخوا 12.84m

–          طول يې د  حطيم لخوا 11.28m

–          طول يې د رکن يماني او حطيم تر مينځ 12.11m

–          د رکنينو تر مينځ 12.52m

–          د حجر اسود لوړوالی 1.1m

–          د کعبې د دروازې اندازه 1.9mx3.1m

حجر اسود :

حجره اسود هغه ډبره ده چې له جنت څخه راوړل شوې ده ، جناب رسول الله صلی الله عليه وسلم فرمايلي :[ نزلَ الحجرُ الأسودُ من الجنَّةِ وهو أشدُّ بياضاً من اللَّبنِ فسودتهُ خطايا بني آدم] (حجر اسود چې کله له جنت څخه راوړل شوه رنګ له شيدو څخه سپين ؤ وروسته د بنی آدمو د ګناهونو په وجه توره شوه ) (الترمذي 877 ) .

د دغه ډبرې طول 25 سانتې او عرض يې 17 ساتنې دي چې د سپينو زرو په يوه حلقه کې قرار لري .

مسجد الحرام :

د کعبې شرېفې چاپيره ساحه ،مطاف ( د کعبې چاپیره پراخه ساحه چې طواف پکې ادا کيږي ) او د هغه چاپيره د لمانځه ځايونو ته [مسجدالحرام] وايي .

جناب رسول الله صلی الله عليه وسلم فرمايلي دي: [صَلاةٌ فِي الْمَسْجِدِ الْحَرَامِ أَفْضَلُ مِنْ مِائَةِ أَلْفِ صَلاةٍ فِيمَا سِوَاهُ ] (احمد . 14284و ابن ماجه  1406 )

ژباړه : په مسجدالحرام کې يو لمونځ د نورو جوماتونو په پرتله د يو لکو لمونځونو اجر لري (يعنې تقريباً د 55 کلونو د لمونځونو اجر لري ) .

همدارنګه رسول الله صلی الله عليه وسلم فرمايي : [مَنْ طَافَ بِهَذَا الْبَیْتِ أُسْبُوعًا فَأَحْصَاهُ کَانَ کَعِتْقِ رَقَبَةٍ، لا یَضَعُ قَدَمًا وَلا یَرْفَعُ أُخْرَی ‏إِلا حَطَّ اللَّهُ عَنْهُ خَطِیئَةً وَکَتَبَ لَهُ بِهَا حَسَنَةً] ( ترمذی -959‏ ).

ژباړه : څوک چې له کعبې څخه اوه دورې طواف وکړي ، دا طواف دومره اجر لري لکه يو غلام ( د الله په لاره کې ) آزاد کړی وي ، د قدم له اخيستلو او پورته وړاندې به الله تعالی دی له ګناهونو څخه پاک کړي او د ده د پاره به يو نيکي و ليکي .

د تاريخ په اوږدو کې د مسجد الحرام پراخوالی :

مسجد الحرام د اسلام په تاريخ کې څو ځله د خلفاء راشدينو او اسلامي حاکمانو لخوا پراخه شوی دی چې په لاندې توګه بيانيږي :

۱- حضرت عمر بن الخطاب رضی الله عنه   638 م

۲- حضرت عثمان بن عفان رضی الله عنه    648 م

۳- حضرت عبدالله بن زبير رضی الله عنه     685 م

۴- وليد بن عبدالملک                             638 م

۵- ابو جعفر منصور عباسی                   638 م

۶- محمد مهدی عباسی                            638 م

۷- المعتضد العباسی                              638 م

۸- المقتدر العباسی                                 638 م

۹- ملک عبدالعزيز                              1955م

۱۰- ملک فهد بن عبدالعزيز                    1988 م

دا جومات (95 ) دروازې او (9) منارې لري چې د هرې منارې لوړوالی يې (89 ) متره ته رسيږي.

آن لاين اسلامي لارښود

Print Friendly, PDF & Email

2 تبصرې

  1. سبحان الله ،دې مبارکې بيتې الله څومره لوی عزمت ورکړی دی
    الله تعالی دې مونږ ورولي (آمين )

  2. Hi there, You have performed an excellent job. I will certainly digg it and individually recommend to my friends. I’m confident they will be benefited from this web site.

ځواب دلته پرېږدئ

آن لاين اسلامي لارښود حفظها الله په افغانستان کې د اهل سنت والجماعت (مذهب امام ابوحنيفه رحمه الله ) د ديني څيړنو او تحقيقاتو يوه معتبره پاڼه ده چې هدف يې ټولنې ته د شرعي اوامرو رسول د کفر ، شرک ، بدعت او ټولو نا روا کړنو پر وړاندې په دلائلو ولاړه کلکه مبارزه ده دا پاڼه کاملاً شخصي ده او مصارف يې کاملاً شخصي د انفاق فی سبيل الله څخه دي