مشهور داعي چې د ميليونو انسانانو د هدایت سبب شوی ؤ

الرياض ورځپاڼه ، عربستان سعودي : د کويټ مشهور داعي “شيخ عبدالرحمان السميط” چې د ده په وسيله په افريقا کې په ميليونو کسان مسلمان شوې وو د څو کلونو درد او مرض له امله خپل روح حق تعالی ته تسليم کړ .

شيخ عبدالرحمان السمیط تقريباً 30 کاله د خپل عمر د اسلامي دعوت په لاره کې د افريقا په قبائلو کې تير کړل ، د هغه په لاس باندې الله تعالی 11 ميليونه خلک مسلمان کړل چې 7 ميليونه افريقايان او پاتې د نړی د نورو هيوادو وګړې وو .

دغه داعي په کال 1947 کې د کويت په يوه دينداره کورنۍ کې زږيدلې وو ، د لومړی او دوهمې دورې زده کړي يې پخپل هيواد کې تر سره کړی وې د تخصص او دوکتورا زده کړې یې د داخله ناروغيو په څانګه له بغداد پوهنتون ، “لیورپول” په بریتانیا او “مک گیل” په کانادا کې تر لاسه کړی وي .

دغه اسلامي دعوتګر د 30 کلونو د دعوت او خير په کارونو چې د افريکا د فقير او بې وسه ولسونو سره يې کول له زياتو مشکلاتو لکه : د ملک څخه شړل ، بندي کول ، په مرګ باندې ويرول او تهديدولو سره مخ شوی وو ، لکن هغه په ډير صبر او حوصله د اسلام مبين دين ته دعوت کړی دی چې د افريقا په ډيرو هيوادو لکه : موزامبیک، کنیا و زیمبابوه او شمالي قطب ته يې سفرونه کړی دي او زيات خلک يې اسلام ته دعوت کړی دي

د اسلامي امت با درکه او با احساسه داعي په آخر کې يوې مهمې مسئلې ته اشاره کوي :

د افريقا فقير ملت د اسلام د درک په باره کې اشتباه لرله ، ځکه چې مسيحي مبشرينو او مبلغينو  هغوی د خپل لاس آله جوړه کړي وو، کله مې چې د افريقايانو څخه و پوښتل ستاسو دين څه دی ؟ وويل : د خدای شکر مونږ پروتستان مسلمانان يو ، ددې مسئلې په اړه مې تعجب وکړ و مي پوښتل : څنګه پروتستان مسلمانان ياست ، ځواب يې راکړ : زمونږ والدينو مونږ ته ويلي وو چې مونږ مسلمانان يو مګر مونږ د اسلام په اړه هيڅ معلومات نه لرلو حتی په دې هم نه پوهيږو چې څنګه لمونځ وکړو او څنګه روژه ونيسو تر دې چې مونږ ته د پروتستان مسيحيان راغلل او مونږ ته يې د لمونځ کول او روژې نيول ، کليسا او انجيل هديه کړل .

د اسلامي امت د دغه داعي د مجاهدو او کوښښونو مختصر بيان په لاندې ډول دی :

  • د هغه په لاس باندې د 11 ميليونو انسانانو مسلمانيدل .
  • د جمعية العون الخريه مؤمسسې جوړول .
  • د الکوثر مجلې رئيس او ليکونکی .
  • د 5700 جوماتونو جوړول .
  • د 15000 يتيمانو کفالت او سرپرستي .
  • د 9500 چاګانو کيندل .
  • د 860 بابه مدرسو جوړول ، 4 پوهنتونه او 204 ستر اسلامي مرکزونه .
  • د 124 روغتونو جوړول ، د 840 قرآني مدسو جوړول .
  • د 95000 محصلينو د تحصيل مصرف ورکول او نوی مسلمانانو ته د 6 ميلينو قرآنکريم نسخو چاپ او توزيع .
  • د 40 هيوادونو څخه زياتو هيوادونو کې د افطار (روژه ماتي ) تنظيم .

دا قيصه مو د عبرت د پاره نشر کړه تر څو خپل دين ته متوجه شو ځکه چې د مال ډيرولو خلک ډير مصروف کړي دي.

د افسوس خبره دا ده چې نړيوال خو پرېږده چې د الله (جل جلا له) دين ته مو دعوت نه کړل ،بلکي خپله ټولنه مو هم تر اوسه د دين په ضرورياتو سمه نه ده پوه کړې ، او اوس مهال چې کفري يرغل په هيواد کې جريان لري د اسلام په ماڼۍ اور بل دی بايد مسلمانان لږ څه احساس وکړي ، که نه د خلکو ايمانونه له سخت خطر سره مخ دي .

آن لاين اسلامي لارښود

Print Friendly, PDF & Email

4 تعليقات

  1. د آنلاین اسلامی لارښود کارکوونکی دی الله همیشه کامیابه لری چی ډیر په زړه پوری دینی او اسلامی معلومات مونږ ته خپروی .
    دیدارالحق دیدار
    ننګرهار همیشه بهار

  2. الله دی ددی مشهور داعی جنتونه په برخه کړی که څه هم دده مړینه د اسلام په مبارک دین کی غټه ضایع ده خو ولی تقدیر نه بدلیږی او مونږ باید دی مشهور داعی د اسلامی ته ډیری ډیری دعاګانی وکړو .
    په اسلامی او پښتنه مینه
    ننګرهار همیشه بهار

  3. فضل الرحمن

    الله جل حلاله دی ورته جنت الفردوس نصیب کری واقعاً چی لویه ضایعه ده.

    مننه

  4. الله تعالی دجنت الفردوس ورته نصیب کری او الله تعالی د مونژته هم توفیق اوهمت راکری چی ددغه داعی په پله پل کیژدو اواسلام ته خدمت وکرای شو

اترك تعليقاً

آن لاين اسلامي لارښود حفظها الله په افغانستان کې د اهل سنت والجماعت (مذهب امام ابوحنيفه رحمه الله ) د ديني څيړنو او تحقيقاتو يوه معتبره پاڼه ده چې هدف يې ټولنې ته د شرعي اوامرو رسول د کفر ، شرک ، بدعت او ټولو نا روا کړنو پر وړاندې په دلائلو ولاړه کلکه مبارزه ده دا پاڼه کاملاً شخصي ده او مصارف يې کاملاً شخصي د انفاق فی سبيل الله څخه دي