سلامونه او نیکی هیلی می ومنی.
زما پوښتنه داده که څوک یوه ستر قوم یا یوه ملت ته په عام محظر کی سپکی سپوری وکړی او بد رد ورته ووایی((که دا پکی موجودی وی یا نه وی موجودی یعنی یو تور (دروغ) پوری کړی))،اسلام د داسی کسانو په باره کی څه فرمایی؟او د مونږ دنده څه ده چی ورسره څه وکړو؟
نجیب الله له کابله

ځواب

بسم الله الرحمن الرحيم

د اسلام عامه قاعده يا قانون دی چې (لا ضرر و لا ضرار فی الاسلام ) الحديث :

يعنې : په اسلام کې ځان او بل ته ضرر رسول حرام دي ، هغه که لفظي ضرر وي ، بدني ضرر وي او يا مالي ضرر وي حرام دي .

جناب نبی کريم صلی الله عليه وسلم مونږ ته د غوره اسلام واله یا کامل مسلمان داسې را پيږني :

عَنْ أَبِي مُوسَى رضی الله عنه  قَالَ: قَالُوا: يَا رَسُولَ اللَّهِ أَيُّ الإِسْلامِ أَفْضَلُ؟ قَالَ: «مَنْ سَلِمَ الْمُسْلِمُونَ مِنْ لِسَانِهِ وَيَدِهِ». (بخارى:11) .

ژباړه :له ابو موسی نه روايت دی چې هغه وايي : (صحابه ) وپوښتل : ای د الله رسوله ! د چا اسلام (د الله تعالی په نزد ) غوره دی ؟ ويي فرمايل : د هغه چا اسلام غوره دی چې نور مسلمانان د ده د لاس او ژبې له ضرر څخه په امن وي .

رښتيا هم چې د مسلمان دا ډير لوی صفت دی .

مسلمان او يا د مسلمانانو يوه قوم ته ګنځل کول حرام دي :

قال الله سبحانه وتعالی : وَالَّذِينَ يُؤْذُونَ الْمُؤْمِنِينَ وَالْمُؤْمِنَاتِ بِغَيْرِ مَا اكْتَسَبُوا فَقَدِ احْتَمَلُوا بُهْتَانًا وَإِثْمًا مُّبِينًا( الاحزاب ۵۸ ) .

ژباړه : هغه کسان چې مسلمانو سړو او ښځو ته ناحقه ضرر رسوي هغوی خپل ځان باندې بهتان او صريح ګناه باروي .

رسول الله صلی الله عليه وسلم فرمايلي دي : سباب المسلم فسوق و قتاله کفر (متفق عليه )

يعني : مسلمانانو ته ګنځل کول فسق دی او د دوی (ناحق ) قتل کول کفر دی .

همدارنګه د مسلمان او يا د مسلمانانو د قوم سيکاوی او تحقير حرام دی :

قال الله سبحانه وتعالی : يَا أَيُّهَا الَّذِينَ آمَنُوا لاَ يَسْخَرْ قَومٌ مِّن قَوْم (الحجرات ۱۱ ) .

مسلمانانو ! خپل مينځ کې يو بل پورئ ټوقې مه کوئ .

و قال رسول الله صلی الله عليه وسلم : بحسب امریءٍ من الشر ان يحقر اخاه المسلم (رواه المسلم ) .

يعنې : د يو انسان د بد او خرابوالی د پاره دا خبره ډيره (کافي ده ) چې هغه د خپل مسلمان  ورور تحقير او سپکاوی وکړي .

د ضرر په پر وړاندې عفو او بخشش غوره دی :

قال الله سبحانه وتعالی : خُذِ الْعَفْوَ وَأْمُرْ بِالْعُرْفِ وَأَعْرِضْ عَنِ الْجَاهِلِينَ (الاعراف ۱۹۹ ) .

ژباړه : د عفوی لاره اختيار کړئ او د خير او ښيګړی حکم کوئ او جاهلانو نه ځان يو طرف ته کړئ .

و قال الله تعالی : وَلْيَعْفُوا وَلْيَصْفَحُوا أَلاَ تُحِبُّونَ أَن يَغْفِرَ اللَّهُ لَكُمْ وَاللَّهُ غَفُورٌ رَّحِيمٌ (النور ۲۲ ) .

ژباړه : هغوی لره پکار دی چې معافي کوي او د تېرېدنې او ګزشت نه کار اخلي ، آيا ستاسو دا خبره خوښه نه ده چې الله تعالی ستاسو قصور او خطاګانې معاف کړي .

او رسول الله صلی الله عليه وسلم فرمايي : لَيسَ الشَّدِيدُ بِالصُّرَعَةِ اِنَّماَ الشَّدِيدُ الَّذِي يَملِكُ نَفسَه عِندَالغَضَبِ (بخاري اومسلم ).

يعنې : پهلوان خوهغه نه دی چی خلک راپرزوی پهلوان هغه دی چه دغصی په وخت کی خپل ځان قابو

آن لاين اسلامي لارښود

Print Friendly, PDF & Email