په ودونو کې نا روا دودونه او بدعتونه

۱- د نا محرمو او بيګانه ښځو په مينځ کې د زوم درول ، ناوی او زوم يو ځای دروي يا هغه پر يوه تخت کښينوي په داسې حال کې چې نا محرمې ښځې هم سره را ټولې وي .

۲- په ځنو سيمو کې دا رواج دی چې ناوی ته د زوم د کور مشر ور وستل تر څو هغه ته بوټ ور پښو کړې يا د هغه پر سر شال اچول ددې د پاره چې بيا د ناوی تابع شي .

۳- د ناوی موټر ، اوښ يا سورلۍ ته د چرک يا پسه حلالول او بيا هغه د حيوان په وينه سره کول او دا وينه مبارکه ګڼل .

اصلاً د نکاح د شکر ادا لپاره همدا وليمه کفايت کوي ، بيا هم که د الله تعالی د نعمت د شکرانې لپاره کوم حيوان ذبحه شي باک نلري ، مګر که ددې لپاره حيوان ذبحه کوي چې ناوې مبارکه شي ، ضرر دفع شي او د حيوان په وينه باندې سورلي سره کوي دا شرکي عقائد دي واجب ترک دي.

۴- د واده په دريمه د کور کلی ښځو او خلکو ته د دريمې يا تخت جمعی په نوم ډوډۍ کول .

۵- د نکاح د تړلو پر مهال د پردي سړی د ناوی له لخوا د پلار نيول او بيا هغه په درواغو د هغې په لکونو مهر مقرروي چې يوه روپۍ هم ناوی ته د مهر په توګه نه ورکول کيږي ، او دغه د درواغو پلار پخپله خوښه په داسې حال يو د بل په نوم بخښې چې يوه روپۍ هم په لاس کې نه لري ، دا ټول په اسلامي شريعت پوري ملنډې وهل ، بدعت او د ناوی د حقوقو پيمالول دي .

۶- په ودونو کې د ساز او سرود ، رقاصو او ډمو نڅول ، پر هغوی باندې روپۍ شيندل ، او په دې نا روا عمل خرچ کول د اسلامي شريعت خلاف عمل دی .

۷- په ودونو کې بې ځايه ډزې کول چې له يوې خوا اسراف او بل پلوه خطر دی .

۸- د محرم په مياشت کې واده منحوس او نا روا ګڼل .

۹- د واده د پاره د ځنو مياشتو او يا ورځو غوره او نيکمرغه ګڼل او په ځنو وختونو کې بد کڼل .

۱۰- ناوی نغري يا تنور ته بول .

۱۱- په ناوی باندې ميخ ټکوهل ( تر څو هغه په کور کې ميخ او ثابت قمه وي ) .

۱۲- د ناوی د پاره پخپل پلو پورې ګاڼۍ غوټه کول .

ټول اسرائيلي ، د اسلام نه مخکې د جاهليت زماني بودائي او زردشتي کړنې او بدعات دي چې ټول واجب ترک دي[1] .

[1] – نا روا دودونه او بدعتونه ص ۵۸-۵۹ .

Print Friendly, PDF & Email

یو څرګندون یا تبصره

  1. الله مو کامیابه او بریالی لرهريا،هیله ده چی هرمسلمان دغه لیکه نورو مسلمانانوته ورسوی.

اترك تعليقاً

آن لاين اسلامي لارښود حفظها الله په افغانستان کې د اهل سنت والجماعت (مذهب امام ابوحنيفه رحمه الله ) د ديني څيړنو او تحقيقاتو يوه معتبره پاڼه ده چې هدف يې ټولنې ته د شرعي اوامرو رسول د کفر ، شرک ، بدعت او ټولو نا روا کړنو پر وړاندې په دلائلو ولاړه کلکه مبارزه ده دا پاڼه کاملاً شخصي ده او مصارف يې کاملاً شخصي د انفاق فی سبيل الله څخه دي