آیا دغوښی په پیچکاری روژه ماتیږی ؟

ایادغوښی په پیچکاری روژه ماتیږی مکرو کیږی او که هیڅ کوم تاوان نه لری

فريد احمد افضلي

ځواب

بسم الله الرحمن الرحيم

هغه پيچکاری چې د سخت مرض د پاره د ضرورت په وخت کې کيږي که د رګ وي يا غوښي روژه نه فاسدوي   «‌کما  حققه  العلامه  المفتی  محمد  شفیع رحمه الله  و   العلامة  التهانوی رحمه الله  فی  امداد  الفتاوی‌«‌.( امداد  الفتاوی  کتاب  الصوم‌: 2/144) نقل في الفتاوي المحمودي حنفي .

همدارنګه جديد فقهي مسائل ج ۱ص ۹۵ او فتاوی دارالعلوم ديوبند .

علماء بلدالحرام لیکي :

دوه ډوله پيچکاری وجود لري :

يو ډول هغه پيچکارۍ دي چې انسان د ابو او خوراک څخه بې نيازه کوي چې د هغه څخه هدف د بدن تغذيه وي او د لوږي د احساس نه کولو پخاطر تر سره شي دا ډول پيچارۍ روژه باطلوي لکه ګليکوز و غيره .

دوهم ډول هغه پيچکارۍ دي چې د هغه څخه د تغذيې کار نه اخيستل کيږي بلکې د مرض د پاره په وخت د ضرورت کې کارول کيږي په دې باندې روژه نه ماتيږي ځکه چې په دې باره کې شرعي نص وجود نه لري روژه په هغه څه باندې فاسديږي چې په شرعي نصوصو ثابت وي په دې باره کې د کوم شرعي دليل ثبوت نشته .

  فتاوي علماء بلدالحرام مکة المکرمه – فتاواي الصوم . ص(58)

و الله سبحانه وتعالی اعلم

آن لاين اسلامې

Print Friendly, PDF & Email

اترك تعليقاً

آن لاين اسلامي لارښود حفظها الله په افغانستان کې د اهل سنت والجماعت (مذهب امام ابوحنيفه رحمه الله ) د ديني څيړنو او تحقيقاتو يوه معتبره پاڼه ده چې هدف يې ټولنې ته د شرعي اوامرو رسول د کفر ، شرک ، بدعت او ټولو نا روا کړنو پر وړاندې په دلائلو ولاړه کلکه مبارزه ده دا پاڼه کاملاً شخصي ده او مصارف يې کاملاً شخصي د انفاق فی سبيل الله څخه دي