که د یوانسان ښخه بیدون دمیړه دی ایجازی بازار  یا آرایشکاه ته لاره شی سه حوکم لری ؟

عبادالرحمن

ځواب

بسم الله الرحمن الرحيم

اول دا چې : ښځې ته جايزه نه ده چې بې ضرورته د خاوند د اجازې بغير له کور څخه ووځي په دليل د دغه حديث شريف :

وقول عائشة رضي الله عنها للنبي صلى الله عليه وسلم : ” أتأذن لي أن آتي أبوي “. البخاري (4141) ومسلم ) .

همدارنګه ښځې ته جايزه نه ده چې د خاوند د اجازې پرته کوم څوک کور ته ننباسي ، په دليل د دغه حديث شريف : ولا تأذن في بيته إلا بإذنه ، ….” . رواه البخاري ( 4899 ) ومسلم ( 1026 ) .

دوهم دا چې : آرايشګاه د فساد مرکز او د قبيحو افعالو ورکشاپ بلل کيږي آرايشګاه ته د مسلمانې ښځې تلل په لاندې دلائلو جواز نه لري :

۱- په آرايګاه کې د شريعت خلاف سينګار تر سره کيږي لکه : د ورځو جوړول ، د سر د ويښتانو قيچي کول ، د نيمه بربنډو جامو سينګار ، د سر جالی او داسې نور …….. چې دا ټول حرام دی ، الله تعالی او د هغه رسول الله صلی الله عليه وسلم  په ارايشګاه واله او هغه ښځه چې ارايشګاه ته ورځي لعنت استولی دی :

 لعن الله الواشمات والمستوشمات والنامصات والمتنمصات والمتفلجات للحسن المغيرات خلق الله (رواه بخاری ) .

الله تعالی لعنت کړی څوک چه خال وهی او هغه چه د خال وهلو خيال وکړي ،او هغه څوک چه وروځی نري جوړوي او هغه چې د وروځو د نری جوړولو خيال کوي ، او هغه څوک چه د ډول او ښاست لپاره د غاښونو تر منځ فاصلی جوړوي دا هغه کسان دی چه د خدای جل جلا له په خلقت کې تغير راولې .

همدارنګه فرمايي : نهي رسول الله صلي الله عليه وسلم  ان تحلق المراة راسها. تفصيل دلته وګورئ

۲- ښځه به پخپل کور کې د خپل خاوند د پاره ارايش او سينګار کوي ، نه د خپل کور څخه بهر نه د بيګانه خلکو د پاره ځکه داسې کول تبرج دی او په اړه يې سخت وعيد ذکر شوی دی :

له أبوهريره رضي الله عنه روايت دی چه پيغمبر صلى الله عليه وسلم فرمايلي: «ويل للنساء من الأحمرين الذهب والمعصفر» (أخرجه ابن حبان والبيهقي في شعب الإيمان).

زيان او هلاکت دی هغو ښځو لره چې (دوه سره څيزونه ) لکه : زيورات او خوشبويي بيګانه خلکو ته ښکاره کوي.

أبو موسى أشعري رضي الله عنه روايت کوي چه رسول الله صلى الله عليه وسلم فرمايلي : «إذا استعطرت المرأة فمرت على القوم ليجدوا ريحها فهي كذا وكذا، قال قولاً شديداً، وفي لفظ: فهي زانية» (حسن صحيح أخرجه أبو داود والترمذي والنسائي ).

کله چه ښځه خوشبويي ووهي او د سړيو له ډلې تيريږي تر څو د هغې دغه ښه بوی خلک حس کړي، پس هغه داسې او هغسی ده ، ډيره سخته او شديده وينا او په بل لفظ پس هغه زناکاره ده .

فضاله بن عبيد رضي الله عنه څخه روايت دی چه رسول الله صلى الله عليه وسلم فرمايلي: «ثلاثة لا تسأل عنهم: رجل فارق الجماعة وعصى إمامه فمات عاصياً، وأمة أو عبد أبق من سيده فمات، وامرأة غاب عنها زوجها وقد كفاها مؤونة الدنيا فتبرجت بعده، فلا تسأل عنهم» (صحيح، أخرجه أحمد والبخاري في الأدب المفرد والحاكم) .

د دریو تنو په باب پوښتنه مه کوه (چه غداب يې ډير سخت او دردونکی دی ) يو هغه سړی چې د مسلمانانو اجتماع او ټولنه ترک کړي او د خپل امام او سرپرست څخه نا فرماني وکړي او په همدې حالت کې مړ شي ، او هغه ميځه او غلام چې د خپل بادار نه تښتيدلی وي او په همدې حالت کې مړه شي ، او هغه ښځه چې خاوند يې غايب وي (چيرې په سفر تللی وي ) خو دې ته يې د ژوند ټول سهولتونه برابر کړي وي خو هغه په دې حالت کې تبرج کوي پس په دې باره کې سوال مه کوه چې ددی کسان عذاب درناک او سخت دی .

تبرج : بيګانه خلکو ته د سيګار ښکارول .

 ۳- د خپل کور نه بهر بل ځای کې د جامو ايستل او بدلول :

 رسول الله صلى الله عليه وسلم فرمايي :: «أيما امرأة وضعت ثيابها في غير بيت زوجها فقد هتكت ستر ما بينها وبين الله» (صحيح أخرجه الترمذي وابن ماجه).

هرې ښځې چې د خاوند د کور نه بغير بل ځای خپلې جامې ويستلې يقيناً هغې د خپل ځان او خدای جل جلاله تر منځ پرده څيرې کړی ده .

د ښځې تأديب :

دا چې نارينه د خپل اهل عيال پر وړاندې مسؤل دی نو اسلامې شريعت هغه ته اجازه ورکړی ده چې د خپل اهل د اصلاح په نيت د د دوزخ څخه د خلاصون په نيت خپلې بی بی ته څه داسې جزا ورکړي کوم چې اسلامې شريعت تعين کړې ده .

قوله تعالی : وَأْمُرْ أَهْلَكَ بِالصَّلاَةِ وَاصْطَبِرْعَلَيْهَا

ژباړه :اهل ته موپه لمانځه کولو امر کوی او خپله يی هم کوی .

وقوله تعالى : ( يا أيها الذين آمنوا قوا أنفسكم وأهليكم ناراً وقودها الناس والحجارة ) التحريم/6 .

ای مؤمنانو ! خپل ځانونه او خپل اهل عيال له هغه اور څخه چې خس يې خلک او تېږي دي وساتئ .

تأديب عبارت له : اول نصيحت بيا د خپلې بی بی څخه د بسترې جلا کول ، که په دې سره اصلاح نه شي لږ لږ وهل .

قوله تعالى : ( واللاتي تخافون نشوزهن فعظوهن واهجروهن في المضاجع واضربوهن ) النساء/34 .

او هغه ښځې چې د هغوی د بدخويۍ څخه وېرېږئ نو (لومړی) دوی ته نصيحت وکړئ او که ( په نصيحت سمې نه شوې ) د خوب ځای يې جلا کړئ (او که په دې هم سمې نه شوې ) و يې وهئ نو که غاړه يې کيښوده نو بيا پرې ( د زيان رسولو لپاره ) لار مه لټوئ باور وکړئ چې الله جل جلا له  له پاسه شته چې لوړ او لوی دی .

د احنافو په نزد تأديب په څلورو ځايونو کې دی ۱- چې لمونځ نه کوي ۲- د طهر په حالت کې بغير له عذر څخه د جماع نه مخ اړوي ۳- د کور څخه بې اجازې وځي ۴- د خپل خاوند د پاره د سينګار ترکول .

وقد ذكر الحنفية أربعة مواضع يجوز فيها للزوج تأديب زوجته بالضرب ، منها : ترك الزينة إذا أراد الزينة، ومنها : ترك الإجابة إذا دعاها إلى الفراش وهي طاهرة ، ومنها : ترك الصلاة ، ومنها : الخروج من البيت بغير إذنه .

و الله سبحانه وتعالی اعلم

آن لاين اسلامې لارښود

Print Friendly, PDF & Email