که چیری یو شخص جی جادو یی درباندس کری وی او دغه په جادو باندی ونیسی ایا داسی خللکو که خبل دی هم وی اریکه پری کری اسلام د دغه باره کی حه
حکم کوی –  ajnabi

ځواب

بسم الله الرحمن الرحيم

اول : د امت په اتفاق صله رحم ( د خپلولی پالل ) واجب دی ، لقول الله تعالی : وَاتَّقُوا اللَّهَ الَّذِي تَسَاءَلُونَ بِهِ وَالْأَرْحَامَ) [النساء:1].

ژباړه : او د هغه الله څخه ووېرېږئ چې (د هغه په نوم ) يو له بله سوال کوئ او له خپلوانو سره ( د اړيکو له غوڅولو څخه ووېرېږئ ) بې شکه الله پر تاسې څارونکی دی .

په اسلام کې د خپلوی پر پاللو ډير ټيګار شوی دی ولو که فاسق هم وي .

په دليل د دغه حديث شريف : وعن أسماء بنت أبي بكر رضي الله عنهما قالت : قدمت عليَّ أمي وهي مشركة في عهد رسول الله صلى الله عليه وسلم فاستفتيتُ رسول الله صلى الله عليه وسلم ، فقلت : إن أمي قدمت وهي راغبة أفأصلها ؟ قال : ” نعم ، صِلي أمك ”  رواه البخاري ( 2477 ) ومسلم ( 1003 ) .

بی بی اسماء د ابوبکر رضی الله عنه لور وايي : د رسول الله صلی الله عليه وسلم  د حيات په وخت کې زما مور مشرکه وه ، هغه زمونږ لره راغله له رسول الله صلی الله عليه وسلم  نه مې و پوښتل چې : مور مې کور ته راغلی او هغه زما څخه د (نېکۍ او هديې ) هيله لري .

نو د فاسق سره په طريقه اولی سره د رحم قطع کول حرام دي، مګر که فاسق د سړي د پاره زجر وي هغه خپل فسق پر سړي تحلوي نو بيا قطع صله حرام نه دی .

مسلمان ته په کار چې کوم کس په ګناه اخته وي هغې نصيحت وکړي او له بد کار څخه يې منع کړي .

مَنْ رَأى مِنْكُمْ مُنْكَراً فَلْيُغَيِّرْهُ بِيَدِهِ، فَإنْ لَمْ يَسْتَطِعْ فَبِلِسَانِهِ، فَإنْ لَمْ يَسْتَطِعْ فَبِقَلْبِهِ، وَذَلِكَ أضْعَفُ الإيمَانِ (مسلم 49 )

(د تاسې نه چې څوک منکر (ناروا) عمل وويني بايد هغه په لاس باندې منع کړي ، او که ددې توان نه لري په ژبه باندې او که ددې توان نه لري په زړه هغه بد وګڼي چې دا د ایمان ضغيفه درجه ده ).

د صله رحم په باره کې مفصل بيان دلته وګورئ http://www.dawat610.com/archives/4677

دوهم : يو صله رحم دی ( د اقاريبو او خپلوانو سره د خپلوی پالل او بل ولاء او براء (دوستۍ او دوښمنۍ ) مسئله ده ، دوستې او دوښمنې به د الله جل جلا له  د پاره وي .

مسلمان به د کافران سره دوښمنې کوي ، د فاسقانو څخه به د هغوی د فسق په وجه نفرت کوي او د الله جل جلا له  د فرمابردارو بندګانو سره به مينه ساتي . تفصيل دلته وګورئ .

دريم : ساحر او کاهن ته د علاح ، د ورک شي معلومولو … د پاره ور تلل حرام دي .

رسول الله صلی الله عليه وسلم  فرمايي : «مَن أتَي عَرَّافَاً فَسَألَهُ عَن شَئٍ فَصَدَّقَهُ لمَ تُقبَل لَهُ صَلاةٌ أربَعِينَ يَوماً» ( رواه مسلم ۲۲۳۰ )

څوک چه عرافی (عرافی هغه کس دی چه دغلا شوی مال ځای او غلا ښیی ) ته ورشې او ديوه شی په اړه له هغه څخه پوښتنه وکړی اوهغه رښتيا وبولې دڅلويښتو ورځو لمونځ يې نه قبليږي .

 «مَن أتَي كاهِنَاً فَصَدَّقَهَ بمَا يَقُولُ فَقَد كفَر بمَا أنزَلَ عَلَي مُحَمَّدٍ صَلَّي الله عَلَيهِ وَ سَلَّم» رواه أحمد (9779) اوأبو داود (3904).

هر څوک چه فالګير (هغه کس چه دعلم غيب دعوا کوی) ته ورشی اود هغه خبري رښتيا وګڼی داکس په هغه څه کافرشو کوم چه په محمد صلی الله عليه وسلم نازل شوي .

و الله سبحانه و تعالی اعلم

آن لاين اسلامې لارښود

Print Friendly, PDF & Email