په لمانځه کې د قرائت بې ترتيبه لوستل څه حکم لري ؟

د انلاین اســــــــلامی لارښود ټولو کارکونکو او لوستونکو ته د زړه له کومی سلام وایم بعد له سلامه زه یوه پوښتنه لرم که په مهربانی سره ځواب راکړی. که چیری د لمانځه په اول رکعت کی الناس سورت وویل شوی او ورسته رکعت کی لهب سورت وویل شی څه واقع کیګی؟ – روح الله

ځواب

بسم الله الرحمن الرحيم

په لمانځه کې قرآنکريم قصداً بې ترتيبه لوستل داسې چې په لومړی رکعت کې د الناس سورت او دوهم کې د لهب سورت ولوستل شي لمونځ مکروه کوي (فاسيږي نه بلکي ثواب يې کميږي ) او که په هيره سره داسې وشي باک نه لري ( فتاوي المحمودي – کفايت المفتي ) .

و  في الدر  المختار:

«‌ويُكْرَهُ الفَصْل بسورة قصيرة وأن يَقْرأَ منكوساً …وفي القنية: قَرَأَ في الأولى الكافرون وفي الثانية  ألم تر أو  تبت  ثم ذكر يتم »‌.

و في الرد:

«قوله: (وأن يقرأ منكوساً) بأن يقرأ في الثانية سورة أعلى مما قرأ في الأولى، لأن ترتيب السُّور في القراءة من واجبات التلاوة   قوله:ثم ذكر يتم) أفاد أن التنكيس أو الفصل بالقصيرة إنما يكره إذا كان عن قصد، فلو سهواً فلا  »‌(ردالمحتار:1/404. كذا في الطحطاوي علي مراقي الفلاح:ص374،البحر الرائق:2/94،

همدارنګه که دوهم رکعت له لومړي رکعت څخه اوږد شي مکروه دی .

واطالة الثانية علی الاولی مکره تنزيها (شرح التنوير ج ۱ ص ۵۶۶ ) .

و الله اعلم

آن لاين اسلامې لارښود

Print Friendly, PDF & Email

2 تعليقان

  1. سلامونه او نیکی هیلی ټولو هغو کسانو ته چی په دی برخه کی کار کوی:پوښتنه : څوک چي په یو ځاي کي کار کوي او ده خوګ په غوښه یی لاس لګيګي ایا دا حرام ده که نه

  2. اسلام عليکم
    مسلمان ته جايزه نه ده چې د خوګ د غوښو برابرولو ، توليد او پخولو په ځای او اداره کې کار وکړي
    تفصيل دلته وګورئ http://dawat610.com/archives/4410

    که د بې فکرۍ او نا خبرۍ په صورت کې د مسلمان لاس د خوګ په غوښه و لګيږي په مينځلو پاکيږي .
    dawat610

آن لاين اسلامي لارښود حفظها الله په افغانستان کې د اهل سنت والجماعت (مذهب امام ابوحنيفه رحمه الله ) د ديني څيړنو او تحقيقاتو يوه معتبره پاڼه ده چې هدف يې ټولنې ته د شرعي اوامرو رسول د کفر ، شرک ، بدعت او ټولو نا روا کړنو پر وړاندې په دلائلو ولاړه کلکه مبارزه ده دا پاڼه کاملاً شخصي ده او مصارف يې کاملاً شخصي د انفاق فی سبيل الله څخه دي