د جماع يا کورواله په وخت کې يو د بل عورت ته کتل څه حکم لري ؟

سلام عليكم
بعد له سلام زه يو پوشتنه لرم هغه دا چي يو سري كولي شي چي ده خپلي بي بي عورت وكوري و كه سه حكم لر ي وسلام  – احمد نور

الجواب

بسم الله الرحمن الرحيم

د جماع يا کورواله په وخت کې يو د بل عورت ته کتل څه حکم لري ؟

ځواب : بهر د حکيم زوی له خپل پلار څخه او هغه له جد څخه روايت کوي چې هغه وايي و مې ويل : يا رسول الله صلی الله عليه وسلم ! د جماع په وخت د عورت کومه حصه پټه کړم او کومه حصه پټه نه کړم ؟

رسول الله صَلَّى اللَّهُ عَلَيْهِ وَآلِهِ وَسَلَّمَ وفرمايل:« احْفَظْ عَوْرَتَكَ إِلَّا مِنْ زَوْجَتِكَ أَوْ مَا مَلَكَتْ يَمِينُكَ» [1]   

شرمګاه دې له ټولو پټه ساته پرته له خپلې ښځې او وينځې .

خو غوره داده چې شرمګاه له هر چا څخه پټه وساتل شي ،پیغمبر صَلَّى اللَّهُ عَلَيْهِ وَآلِهِ وَسَلَّمَ فرمايلي « إِنْ اسْتَطَعْتَ أَلَا يَرَيَنَّهَا أَحَدٌ فَافعل» [1]  

که چيرې په دې توانيږې چې هيڅوک هغه ونه ويني نو داسې وکړه صحابي بيا وپوښتل چه ای رسول الله صَلَّى اللَّهُ عَلَيْهِ وَآلِهِ وَسَلَّمَ !که سړی تنها وي ؟

ويې فرمايل : «اللَّهُ أَحَقُّ أَنْ يُسْتَحْيَا مِنْهُ مِنْ النَّاسِ» « الله تعالی تر ټولو ددی لايق دی چه خلک له هغه څخه شرم وکړي » [1]

 مأخذ : د علمي څيړنې او افتا دايمي ټولنه (19/363) مکه مکرمه

و الله اعلم

آن لاين اسلامې لارښود

[1]  احمد (5/4،3)، او ابوداود (4017) او ترمذی (2769) ا و نسائی په ” الکبری” (8972) ، او ابن ماجه (1920) او حاکم 4/180(7358)

Print Friendly, PDF & Email

یو څرګندون یا تبصره

  1. اسلام علیکم و رحمت الله و برکاته!
    په شرعی لحاظ، که د فدایی بریدونو په هکله معلومات راکړی چی آیا دا کار شرعا جواز لری کنه؟ که یی لری په کومو حالاتو کی او دلیل یی څه شی دی؟
    په درنښت

آن لاين اسلامي لارښود حفظها الله په افغانستان کې د اهل سنت والجماعت (مذهب امام ابوحنيفه رحمه الله ) د ديني څيړنو او تحقيقاتو يوه معتبره پاڼه ده چې هدف يې ټولنې ته د شرعي اوامرو رسول د کفر ، شرک ، بدعت او ټولو نا روا کړنو پر وړاندې په دلائلو ولاړه کلکه مبارزه ده دا پاڼه کاملاً شخصي ده او مصارف يې کاملاً شخصي د انفاق فی سبيل الله څخه دي