بدعت ګمراهي ده او دهرې کمراهۍ انجام دوزخ دی

 

بدعت ګمراهي ده او دهرې کمراهۍ انجام دوزخ دی
بدعت په لغت کې هر نوي پيدا شوي شی ته وايې چې مخکې يې کومه نمونه نه وي مګر د شريعت په اصطلاح کې د خدای ج عبادت کول په نامشروع او ناجايز ډول يا هغه عبادت چې د رسول الله ص او خلفای راشدينو په طريقه نه وي بدعت بلل کيږي .
 لومړی تعريف : په استدلال د قرآن كريم – «أَمْ لَهُمْ شُرَكَاءُ شَرَعُوا لَهُمْ مِنَ الدِّينِ مَا لَمْ يَأْذَنْ بِهِ اللَّهُ »
((آيا دغه خلکو دخدای ج سره داسې شريکان نیسی (د مشرکانو باطل معبودان ) چې د دوی د پاره د دين داسې طريقي غوره کړی چې الله د هغه اجازه نه ده کړې ))
دوهم تعريف: دپيغمبر صلی الله علیه وسلم د احاديثو په استدلالچې ‌فرمايي: «عَلَيكُم بِسُنَّتي وَ سُنَّةِ الخُلَفاءِ الرّاشِدينَ المَهدِيِّينَ، عَضُّوا عَلَيها بِالنَّواجِذِ، وَ إيّاكُم وَ الأُمُورَ المُحدَثاتِ»: [2]
(زما په طريقه او په طريقه د خلفای راشدين منګولې ونيښلوی او هغه ټينګ ونيسی او له نويو امورو څخه پرهيز وکړﺉ )
هغه عبادت چې د الله تعالی د فرمان مطابق نه وي او له پيغمبر ص او خلفاؤ نه ثابت نه وي بدعت بلل کيږي .
 پيغمبر صلی الله علیه وسلم د بدعت په باره کې فرمايي: «إيّاكُم وَ مُحدَثاتِ الأُمورِ؛ فإنَّ كُلَّ مُحدَثَةٍ بِدعَةٌ، و كُلَّ بِدعَةٍ ضَلالَةٌ، وَ كُلَّ ضَلالَةٍ في النّارِ»: [1]
(په دين کې د نو پيدا شی نه پرهيز وکړﺉ چې هر نوی شی بدعت دی او هر بدعت ګمراهي ده او دهرې ګمراهی انجام اور دی ) همدارنګه فرمايي : «مَن أحدثَ في أمرِنا هذا ما لَيسَ فيهِ فَهُوَ رَدٌّ» (بخاری او مسلم ) .
(هر چا چې په امر (دين ) زمونږ کې داسې عمل پيدا کړ چې له هغه نه وي (په دين کې نه وي ) نو مردود دی )
اوفرمايي : «مَن عَمِلَ عَمَلاً لَيسَ عَلَيهِ أمرُنا فَهُوَ رَدٌّ» (بخاری او مسلم )
 (که څوک کوم داسې عمل ترسره کړي چې زمونږ د دستور (دين ) مطابق نه وي نو هعه مردود دی
د البلد الحرام علماؤ فتاوی (مکه مکرمه – شيخ ابن عثيمين ،شيخ ابن باز )
د بدعت ټول ډولونه او اقسام به ورسته ان شآء الله خپاره شي


[1]ابوداود(4607) ، ترمذي(2676) ، ابن ماجه (42) اونسائي(1578) په زياتوالی د:«وكل ضلالة في النار» نقل کړی دی .
 
 
Print Friendly, PDF & Email
آن لاين اسلامي لارښود حفظها الله په افغانستان کې د اهل سنت والجماعت (مذهب امام ابوحنيفه رحمه الله ) د ديني څيړنو او تحقيقاتو يوه معتبره پاڼه ده چې هدف يې ټولنې ته د شرعي اوامرو رسول د کفر ، شرک ، بدعت او ټولو نا روا کړنو پر وړاندې په دلائلو ولاړه کلکه مبارزه ده دا پاڼه کاملاً شخصي ده او مصارف يې کاملاً شخصي د انفاق فی سبيل الله څخه دي