د رکعت نيولو په نيت جومات ته منډې وهل څه حکم لري

زيات مسلمانان په دې کې حريص وي تر څو د لمانځه کوم رکعت له لاسه ور نه کړي او کله چې پوه شي چې جماعت ولاړ دي په ټېزی او منډو منډو جومات ځي ددې عمل حکم څه دی ؟

ځواب : بيړه او منډې وهل نا مناسب او مکروه کار دی ، رسول الله صلی الله عليه وسلم فرمايي : «إِذَا أَتَيْتُمُ الصَّلاةَ فَعَلَيْكُمْ بِالسَّكِينَةِ، فَمَا أَدْرَكْتُمْ فَصَلُّوا، وَمَا فَاتَكُمْ فَأَتِمُّوا»[1]

په آرامۍ او وقار سره لمانځه ته ځئ هر مقدار مو چې له امام سره ونيو هغه مقدار له هغه سره ادا کړﺉ او وروسته د امام له سلام ګرځولو پاتې لمونځ مو تکميل کړﺉ .

[إِذَا سَمِعْتُمْ الْإِقَامَةَ فَامْشُوا إِلَى الصَّلَاةِ وَعَلَيْكُمْ بِالسَّكِينَةِ وَالْوَقَارِ، وَلَا تُسْرِعُوا؛ فَمَا أَدْرَكْتُمْ فَصَلُّوا وَمَا فَاتَكُمْ فَأَتِمُّوا][2]

(کله مو چې اقامت واوريد په ارامۍ او وقار سره لمانځه ته ځی ، بيړه او عجله مه کوﺉ ، هر مقدار مو چې له امام سره ونيو هغه مقدار له هغه سره ادا کړﺉ او وروسته د امام له سلام ګرځولو پاتې لمونځ مو تکميل کړﺉ)

سنت ده چې انسان په پوره سکون او خشوع سره جومات ته لاړ شي او په معمولې قدمونو اول صف ته ځان ورسوي .

فتاواي اسلاميه (1/218 – 219)- البدالحرام

آن لاين اسلامی لارښود


[1]. بخاري (635) و مسلم (603)

[2] بخاري (635) و مسلم (603)

Print Friendly, PDF & Email

2 تبصرې

  1. در مورد متن مورد بحث بسيار زياد تشكر كه مارا رهنمائي نموديد. خداوند اجر عظيم نصيب فرمايد.

  2. السلام علیکم ورحمة الله و برکاته!
    خضر ( ع ) څوک دی ، په کوم وخت کی وو او هم اوس شتون لری او که وفات شوی او که شتون لری په کوم ځای کی وسیږی؟
    په درنښت

آن لاين اسلامي لارښود حفظها الله په افغانستان کې د اهل سنت والجماعت (مذهب امام ابوحنيفه رحمه الله ) د ديني څيړنو او تحقيقاتو يوه معتبره پاڼه ده چې هدف يې ټولنې ته د شرعي اوامرو رسول د کفر ، شرک ، بدعت او ټولو نا روا کړنو پر وړاندې په دلائلو ولاړه کلکه مبارزه ده دا پاڼه کاملاً شخصي ده او مصارف يې کاملاً شخصي د انفاق فی سبيل الله څخه دي