په منی کې :

د طواف قدوم او سعی نه چې فارغ شي څو پورې چې په مکه کې وي تر هغه به په موقع کې د کعبې طواف کوي طواف به داسې کوي لکه څنګه چې مخکې ذکر شو البته په دې کې به د رمل او طواف نه پس سعی نه کوي – بيا به د ذولحجی په آتمه ورځ د صبا لمونځ په حرم شريف کې وکړي منی ته دې روان شي او يو ورځ دی هلته پاتي شي په نهم تاريخ به عرفات ته روان شي په منی کې د حج کوم عبادت نه کيږي صرف هلته په اتم تاريخ رسيدل او په نهم تاريخ عرفات ته روانيدل سنت عبادت دی .

 په عرفات دريدل :

عرفات د حج دريم فرض دی چې يواځې يوه ټاکل شوی ورځ لري که له ټاکل شوي ورځې تأخير شي نو حج له سره نه صحيح کيږي .

د عرفات وخت د نهم تاريخ له ماسپخين شروع د لسم تاريخ ټوله شپه پورې په هر وخت کې چې قيام وشي فرض ادا کيږي .

د عرفات سنته طريقه او آداب :

غوره دا ده چې د صبا لمونځ په منا کې وشي او د لمر ختلو وروسته عرفات ته روان شي هلته خپل موقعيت ته ځان وسوي تر زواله پوری اودس ،غسل وکړي بيا هلته امام د جمعی په شان دوي خطبی لولي چې د هغی په غور اوريدل ضرور دي بيا به د امام سره د ماسپخين او ماذديګر دواړه لمونځونه يوځل وکړي ،کچيري لمونځ ځانته وشي نو بيا يې يوځای کول صحي نه دي .

وروسته امام د موقوف په لورې روانيږی چې بايد ټول خلک په امام پسی لاړشي دا ځای جبل رحمت ته نږيدی دی کوم ځای کې د رسول الله صلی الله عليه وسلم په آخری حج کې دعا کړي ده .

رسول الله صلی الله عليه وسلم فرمايي په دې ورځ شيطان تر بلی هري ورځې نه زيات ذلت او خواري ويني ځکه چې د بندګانو لوی ګناهونه معاف کيږي .

نبی اکرم صلی الله عليه وسلم چې د عرفات په جبل الرحمت باندې کومه ژړا او زارۍ باندې دوعا غوښتی وه ابن عباس رضی الله عنه يې داسې روايت کوي :

چه ما رسول اللهصلی الله عليه وسلم په عرفات کې داسې په دعا وليدلو چې دواړه لاسونه يې د سينی سره خواره کړي وو او داسې دعا يې غوښتله لکه چه يو وږي مسکين په عاجزی سره د چا نه يوه لمړی ډوډی غواړي او هغوی صلی الله عليه وسلم د  امت د بخښنې لپاره دعا کوله .
آن لاين اسلامې لارښود

Print Friendly, PDF & Email