قضاء شوی لمونځ بغير له قضائي راوړلو کومه بله لار لري ؟

زما یوه پوښتنه ده هغه داچې د فرض قضا شوی لمونڅ په بدل کې داسې یو عمل چې چې د هغې اجر پوره کړي پدې مانا چې د تیر عمر قضا شوي لمونڅونه رفع شي
ډیره مننه ودان شيرزاد

ځواب

بسم الله الرحمن الرحيم

د لمانځه ترک کول بغير له قضائي کومه بله کفاره نه لري يوخو د مړی وصيت دی چې فديه به ورکوي هغه خو بله موضوع ده .

په دې اړه جناب نبی اکرم صلی الله عليه وسلم فرمايي :

عَنْ أَنَسِ بْنِ مَالِكٍ رضی الله عنه عَنِ النَّبِيِّ صلی الله عليه وسلم قَالَ: «مَنْ نَسِيَ صَلاةً فَلْيُصَلِّ إِذَا ذَكَرَهَا، لا كَفَّارَةَ لَهَا إِلا ذَلِكَ: ]وَأَقِمِ الصَّلاةَ لِذِكْرِي[». (بخارى:597)

(له انس بن مالک رضی الله عنه نه روايت چې نبی صلی الله علیه وسلم فرمایي : هر چا چې لمونځ هیر کړ نو هر وخت چې ور په ياد شو د هغه قضايي به راوړي ، ځکه د لمانځه ترک (بغير له قضايي ) بله کفاره نه لری . الله تعالی فرمايي لمونځ زما د ياد په وخت ادا کړﺉ ).

فتاوي دارالعلوم ديوبند او کفايت المفتي ليکي :

که د يو کس څخه ډير لمونځونه قضا شوي وي او وروسته توبه وباسي نو دده يوازې توبه کافي نه ده بلکې د ترک شويو لمونځونو قضايي به هم راوړي .

قضايي راوړل داسې چې که يې شمير معلوم وي ښه او که يې شمير معلوم نه وي د بلوع د وخت نه به پخپل غالب ګمان هغه وشميري د لمانځه قضايي بغير له مکروه وختونو نور هر وخت ادا کولای شي .(فتاوي دارالعلوم ديوبند ج ۴ ص ۲۳۵۰ – کفايت المفتي ج ۳ ص ۳۷۷ ) .

فی حکم الواجب بالأمر،وهو نوعان : اداء ،وهو تسليم عن الواجب بسببه الی مستحقه وقضاء وهو اسقاط الواجب . أي بعد القضاء أما بدونه فالتأخير باق فلم تصح التوبة منه لأن من شروطها الإقلاع عن المعصية كما لا يخفى فافهم (درالمحتار – باب قضاء الفوائت )

الله تعالی اعلم

آن لاين اسلامې لارښود

Print Friendly, PDF & Email

یو څرګندون یا تبصره

  1. حيات هجران شيرزاد

    السلام عليکم ورحمته الله وبرکاته

    ډیره مننه الله ج مو سر لوړی او تاند لره الله ج دی زموږ ټول مسلمانان ورونه او خويندي چې د لمانځه په باره کې غفلت کوی او نه یی ادا کوی دی ته متوجه کړی چي لمونځ وکړی.
    امين
    په مينه

آن لاين اسلامي لارښود حفظها الله په افغانستان کې د اهل سنت والجماعت (مذهب امام ابوحنيفه رحمه الله ) د ديني څيړنو او تحقيقاتو يوه معتبره پاڼه ده چې هدف يې ټولنې ته د شرعي اوامرو رسول د کفر ، شرک ، بدعت او ټولو نا روا کړنو پر وړاندې په دلائلو ولاړه کلکه مبارزه ده دا پاڼه کاملاً شخصي ده او مصارف يې کاملاً شخصي د انفاق فی سبيل الله څخه دي