په آزموینه يا امتحان کې تقلب کول څه حکم لري

د اسلامی دعوت کارکوونکو ته اسلام علیکم ورحمة الله وبرکاته وایم
زما پوښتنه داده چی آیا په امتحان کښی نقل کول ګناه لری که یا آيا کبیره ګناه ده که صغیره ګناه ده؟ عزيز احمد

آيا په آموينه کې تقلب کول په خاصه توګه د انګليسي په مضمون کې چې زده کونکي ته هيڅ ګټه نه لري جايز دی ؟

ځواب : په آزموينو کې تقلب کول جايز نه دی ځکه دا کار يو ډول خيانت او فريب بلل کيږي

پيغمبر اسلام صَلَّى اللَّهُ عَلَيْهِ وَسَلَّمَ فرمايلي دي: «مَنْ غشّنا فَلَيْسَ منّا»[1]

(هر چا چې زمونږ – د مسلمانانو جماعت سره خيانت وکړ هغه له مونږ څخه نه دی )

د تقلب کاری ضرر د اسلامې امت عمومي ضرر دی ځکه که چيرې زده کونکي په تقلب کارۍ باندې عادت شي نو علمي سطحه يې ضعيفه ګرځي او په دې ترتيب اسلامې امت له لوړو علومو بې برخې کيږي او د پرديو محتاج ګرځي .

او دا کار ددې سبب ګرځي چې مسلمانان  پخپل ژوند کې جدي نه وي په درس او سبق کې که هغه د انګلیسي مضمون وي او که بل کوم مضمون وي تقلب کول يو ډول دی ځکه زده کونکی بايد ټولې مادې پاس کړي .

زه ددې سره موافق نه يم چې انګليسي ګټه نه لري ځکه ځنی وخت د هغه څخه ډيره ښه استفاده کيږي تاسې چې کله وغواړﺉ داسې يو ملت ته د اسلام دعوت ورکړﺉ چې بغير له انګليسي په بله ژبه نه پوهيږي نو په داسې شرايطو کې به د انګليسي ګټه څومره وي ؟ زه خپله کله وايم ای کاش په فلاني وخت کې مې فلانۍ ژبه زده کړې وای تر څو مې له مخاطب سره افهام کولای شوای .

فتاوي علماء بلدالحرام – شيخ ابن عثيمين- كتاب الدعوة- (5) (2/61)

واقعاً چې په وسايلو کې خبره نشته خبره د هغه په کارولو کې ده ، په انګليسي ژبه نن ورځ ډير قرآن کريمونه ترجمه شوی دي او په انګليسي ژبه نن ورځ په ميليونهاؤ مسلمانان خبرې کوي .

اسلامې امت ته الله تعالی دا دنده سپارلې چې ټولي نړې ته به اسلام رسوي نو يو خو د د عوت د پاره مهمه ژبه شوه ، او بل دا چې د اوسني وخت د پرمختللی تنالوژۍ ډير علوم او اثار هم په انګليسي ژبه دي .

خو زمونږ ځنو لنډغرو چې دغه ژبه زده کړه هغه لاړل د کفارو ترجمانان شول او کفارو ته د مسلمانانو جاسوسي کوي ، جاسوس ترجمان ته چې ووايي ولې داسې کوې نو هغه به در ته وايي : زه خو د مزدورۍ د پاره داسې کوم ځکه بله لاره نه لرم دا بدبخت په دې نه پوهيږي چې دغه دومره عالم نفه له کومه کوي ؟ ای بدبخته کفارو ته د مسلمانانو جاسوسي کول د ايمان د زوال سبب ګرځي او د کفارو په جمله کې حسابيږې .

کاشکي زمونږ دغو ځنو ترجمانانو د اسلامې د دعوت او پر مختللی تنالوژې د پاره کار کړې وای .

ای بې ننګه جاسوسانو ! د کفر د ذلت او رسوايی نه ډکه نوکري او غلامي پريږدﺉ راشي د اسلام ترجمانان شئ چې هم په دنيا کې د عزت او کرامت څښتنان شئ او هم په آخرت کې نو له دغه کار څخه توبه ګار شئ .

آن لاين اسلامې لارښود

 


 

Print Friendly, PDF & Email

2 تعليقان

  1. حيات هجران شيرزاد

    السلام عليکم ورحمته الله وبرکاته

    الله ج دی تاسی ته جنتونه درکړی چې داسی غټ خدمت مو شروع کړی
    په مينه

  2. ح – م له جلال آباده

    السلام علیکم ورحمة الله وبرکاته

    پوښتنه مې دا ده چې زما میړه کله نا کله چې زه د کومې ستونزې له امله مثلا د ناروغۍ له امله د هغه د جنسي اړیکي ټینګولو غوښتنه ونه منم نو هغه په ما خپل ځان سولوي او انزال کوي او یا هم کله نا کله د خوند اخیستو لپاره په ما ځان انزال کوي او کله نا کله زه هم ورته کار کوم نو ایا دا کار هم د استمنا حکم لري او که څنګه او ګناه لري که نه.
    په درنښت
    —————-
    مهرباني وکړئ خپل ځواب دلته وګورئ
    http://dawat610.com/archives/4851

آن لاين اسلامي لارښود حفظها الله په افغانستان کې د اهل سنت والجماعت (مذهب امام ابوحنيفه رحمه الله ) د ديني څيړنو او تحقيقاتو يوه معتبره پاڼه ده چې هدف يې ټولنې ته د شرعي اوامرو رسول د کفر ، شرک ، بدعت او ټولو نا روا کړنو پر وړاندې په دلائلو ولاړه کلکه مبارزه ده دا پاڼه کاملاً شخصي ده او مصارف يې کاملاً شخصي د انفاق فی سبيل الله څخه دي