د شپې لخوا جارو وهلو او نوکانو پرې کولو کې څه نقصان شته ؟

محتويات (عناوين)

 د نوکانو پریکول په کوټه کی کوم نقصان لری، لکه چی خلګ ډیری خطرناکی معناوی تری باسی او همدارنګه د پښو او لاسو نوکان په یوه ورځ پری کول څه تاوان لری لکه چی ددې په هکله هم خلګ مختلف تاوانونه بیانوی وایی چی غم او ښادی یی په یوه ورځ تر سره کیږی او داسی نور؟  احمد زهين لمر
ځواب
بسم الله الرحمن الرحيم
دغو شيانو ته توهم پرستي يا سپره والی وايي په اسلام کې ددې هيڅ اصل نشته چا ته چې څه ورپښيږي هغه به يې خپل عمل وي .
د توهم پرستی څو مثالونه دا دي :
د شپې جارو وهل ، د چهارشنبې په ورځ د نوکانو پرېکول ، د شپې لخوا د نوکانو پرېکول ، په يوه ورځ د ويښتانو او نوکانو پرېکول ، په يوه ورځ د پښو او لاسونو د نوکانو پرېکول ، د نوکانو پرې کول په کوټه يا اتاق کې او نور ښه نه بولي دوی وايي چې داسې کول نستي او د رزق تنګي راولي .
همدارنګه د دوو اخترونو په مينځ کې نکاح کول او داسې نور بد او سپره ګني .
دا هر څه غلط دي دا محض توهمات دي په شريعت کې ددې هيڅ اصل نشته (حنفي فقه ابوالمختار ج۱ ص ۱۵۸ – فتاوي يوسفيه ج ۱ ص ۳۶۲ ) .

آن لاين اسلامې لارښود

Print Friendly, PDF & Email

یو څرګندون یا تبصره

آن لاين اسلامي لارښود حفظها الله په افغانستان کې د اهل سنت والجماعت (مذهب امام ابوحنيفه رحمه الله ) د ديني څيړنو او تحقيقاتو يوه معتبره پاڼه ده چې هدف يې ټولنې ته د شرعي اوامرو رسول د کفر ، شرک ، بدعت او ټولو نا روا کړنو پر وړاندې په دلائلو ولاړه کلکه مبارزه ده دا پاڼه کاملاً شخصي ده او مصارف يې کاملاً شخصي د انفاق فی سبيل الله څخه دي