د قيامت نښه: د علم کموالی او د جهل ښکاره کيدل

۱۱- د علم کموالی او د جهل ښکاره کيدل :

انس رضی الله عنه وايي چې رسول الله صلی الله عليه وسلم فرمايلي:« مِنْ أَشْرَاطِ السَّاعَةِ: أَنْ يَقِلَّ الْعِلْمُ وَيَظْهَرَ الْجَهْلُ »[1] .

ژباړه : د قيامت له نښو څخه دا ده چې علم به کم او جهل (نا پوهي) به ښکاره او زيات شي .

دلته د عمل څخه مطلب شرعي علم دی، يعنې : خلک به د دنيا په علومو کې ډير رسيدلي وي خو د شرعي احکامو څخه به نا خبره وي حال دا چې د شرع ضروري علم فرض دی .

او يا دا چې د د شرع او دين علم به د دنيوي مقصد لپاره حاصلوي .

مګر څوک چې د شرعي علم د زده کړې په لټه کې وي هغه الله تعالی ته خوښ بنده دی .

«مَنْ يُرِدِ اللَّهُ بِهِ خَيْرًا يُفَقِّهْهُ فِي الدِّينِ »[2] .

   ژباړه:  چاته چه پاک خدای د خير اراده وکړي نو په دين کښي پوهه ور په برخه کړي .

او د شرعي علم د زده کړې لاره د جنت لاره ده : «ومَنْ سلَك طرِيقاً يَلْتَمِسُ فِيهِ عِلْما، سهَّلَ اللَّه لَهُ بِهِ طَرِيقاً إلى الجَنَّةِ»[3].

ژباړه : څوک چې د علم د زده کړې لاره ونيسی، الله تعالی به ده ته د جنت په لوري تلل آسانه کړي .

۱۲-  د علم زده کول له اصاغر ( وړو علماؤ) څخه:

 مطلب دا چې د علم زده کول له داسې چا څخه چې هغه په شرعي علم حاکميت نلري او راسخين نه وي چې د علم پرته به خلکو ته حلال، حرام او حرام حلال کرځوي، او د علم پرته به فتاوی ورکوي هم به ځان ګمراه کوي او هم نور .

رسول الله صلى الله عليه وسلم فرمايلي: «إنَّ من أَشراطِ الساعةِ أنْ يُلتمسَ العلمُ عند الأصاغرِ »[4].

آن لاين اسلامي لارښود

ـــــــــــــــــــــــــــــــــــــــــــــــ

[1] – حديث متفق عليه .

[2] – رواه البخاري :۳۱۱۶ .

[3] – رواه مسلم .

[4] – صحيح الجامع :۲۲۰۷.

Print Friendly, PDF & Email
آن لاين اسلامي لارښود حفظها الله په افغانستان کې د اهل سنت والجماعت (مذهب امام ابوحنيفه رحمه الله ) د ديني څيړنو او تحقيقاتو يوه معتبره پاڼه ده چې هدف يې ټولنې ته د شرعي اوامرو رسول د کفر ، شرک ، بدعت او ټولو نا روا کړنو پر وړاندې په دلائلو ولاړه کلکه مبارزه ده دا پاڼه کاملاً شخصي ده او مصارف يې کاملاً شخصي د انفاق فی سبيل الله څخه دي