په تذکره کې د مور نوم په زياتولو کې د فرنګۍ ديموکراسۍ هدف ؟

د فرنګۍ ديموکراسۍ ځنو عَلمبرداران غواړي په تذکره کې د مور نوم زيات کړي ….

په اسلام کې د نسب د ثبوت په اړه او د دغه فرنګي پلان په اړه څو لاندې ټکې در سره شريکوو :

اول – په اسلامي شريعت کې د اولاد نسب پلار ته کيږي نه مور ته

په دليل د قول د الله سبحانه وتعالی چې فرمايي: «ادعوهم لآبائهم» (سوره الأحزاب).

او رسول الله صلی الله عليه وسلم فرمايي :
«من ادعى إلي غير أبيه وهو يعلم، فالجنة عليه حرام » (رواه أحمد والبخاري ومسلم)

يعنې : يعنې څوک چې چا ته د هغه د پلار پرته نسبت وکړي حال دا چې ده ته علم وي نو په هغه باندې جنت حرام دی .

مګر کچيرې ښځه زانيه وي نو د هغې د اولاد نسب مور لره دی .

پلار ته د نسب د ثبوت حکمت څه دی ؟

-کچيرې يو کس د يوې پرته دوو يا دريو ښځو سره نکاح وکړي او نسب يې مور لره شي نو په دې سره د نسب سلسله له کډوډۍ سره مخ کيږي او په ټولنه کې د نسب په اړه تشويش را منځته کيږي، چې يوه کورنۍ او خاندان به په يو نوم بلکي څو مختلفو نومونو ياديږي .

-اسلامي شريعت د جاهليت د زمانې هغه رواج نه تايدوي چې د مور د نوم يادول به يې شرم او عار بللو بلکي اسلامي شريعت د مور د عزت او اکرام په خاطر د هغې نوم نه يادوي څو په هره لاره او کوڅه کې د هغې نوم د هر چا په خوله باندې جاري نه وي .

ددې کار څخه د فرنګۍ ديموکراسۍ هدف څه دی ؟

۱- غواړي د اسلامي شريعت په ثابتو حدودو او احکامو کې تغير را ولي يا د هغه پر ځای د طاغوت او فرنګ قانون عملي کړي .

۲- د خپلو غربي او فرنګي استادانو او بادارانو تقليد دی ځکه په غرب کې د زياتو  کسانو پلرونه معلوم نه وي حراموني وي نو د هغوی نسبت مور ته کوي ، آیا تاسې په پټو سترګو د هغوی تقليد کوئ او يا مو په نسب څه مشکل دی ؟

په دې کار سره دوی په رښتيا د مور حق پر ځای کول غواړي ؟

په فرنګۍ ديموکراسۍ کې ښځه د نفقې پيدا کولو لپاره له کور څخه ايستل کيږي چې دوی دا د هغې حق بولې دا حق نه بلکي د هغې د فطرت خلاف ، د خپلې کورنۍ دندې ، اولادونو خدمت سربيره د نفقې پيدا کولو يو بل مسئوليت پر غاړه کې ور اچول او بيا د نارينه سره د هغوی اختلاط او کډون حق بلکي چې دا حق نه بلکي د نارينه او ښځينه تر منځ د جنسي فساد اور ته لمن وهل دي .

او بيا چې ضعيفه نا توانه او محتاج شي نو يې د سالمندان زندان ور اچوي چې د خپلو اولادونو او خپلوانو له خدمت ، منې ، احترام او محبت څخه بالکل محرومه وي …

آيا د ښځې او مور حق همداسې وي ؟ اوس غواړئ چې اسلامي ټولنه هم په داسې آفاتو او امراضو اخته کړئ ؟

و بالله توفيق – و ما علينا الا البلاغ

آن لاين اسلامي لارښود

Print Friendly, PDF & Email
آن لاين اسلامي لارښود حفظها الله په افغانستان کې د اهل سنت والجماعت (مذهب امام ابوحنيفه رحمه الله ) د ديني څيړنو او تحقيقاتو يوه معتبره پاڼه ده چې هدف يې ټولنې ته د شرعي اوامرو رسول د کفر ، شرک ، بدعت او ټولو نا روا کړنو پر وړاندې په دلائلو ولاړه کلکه مبارزه ده دا پاڼه کاملاً شخصي ده او مصارف يې کاملاً شخصي د انفاق فی سبيل الله څخه دي