زه په بهر کې اوسيږم چې زما قرباني د اختر د لمانځه مخکې تر سره کيږي ؟

د آن لاين اسلامي لارښود ادارې ته السلام عليکم : زما کاکا په بهرني هيواد کې اوسيږي چې کله دلته د اختر لمونځ وشي نو مونږ قرباني کوو حال دا چې په هغه هيواد کې څو ساعته يا يوه ورځ وروسته اختر را ځي او د اختر لمونځ کوي ايا زما د کاکا قرباني صحي کيږي ؟

ځواب

بسم الله الرحمن الرحيم

اصلاً ستا کاکا د قربانۍ لپاره وکيل نيولی دی او د وکيل لپاره د صحت هغه شرايط دي کوم چې قربانۍ کوونکي لپاره وي ، دلته وکيل د اختر د لمانځه وروسته قرباني کوي چې هيڅ ډول خلل پکې نشته او په قربانۍ کې د وکيل نيول جايز دي .

جاء في الموسوعة الفقهية (۵/۱۰۵) :

اتَّفَقَ الْفُقَهَاءُ عَلَى أَنَّهُ تَصِحُّ النِّيَابَةُ فِي ذَبْحِ الأُضْحِيَّةِ إِذَا كَانَ النَّائِبُ مُسْلِمًا ، لِحَدِيثِ فَاطِمَةَ السَّابِقِ : ” يَا فَاطِمَةُ قُومِي إِلَى أُضْحِيَّتِكِ فَاشْهَدِيهَا ”  لأَنَّ فِيهِ إِقْرَارًا عَلَى حُكْمِ النِّيَابَةِ، وَالأَفْضَلُ أَنْ يَذْبَحَ بِنَفْسِهِ إِلا لِضَرُورَةٍ .

و الله سبحانه و تعالی اعلم

آن لاين اسلامي لارښود

Print Friendly, PDF & Email
آن لاين اسلامي لارښود حفظها الله په افغانستان کې د اهل سنت والجماعت (مذهب امام ابوحنيفه رحمه الله ) د ديني څيړنو او تحقيقاتو يوه معتبره پاڼه ده چې هدف يې ټولنې ته د شرعي اوامرو رسول د کفر ، شرک ، بدعت او ټولو نا روا کړنو پر وړاندې په دلائلو ولاړه کلکه مبارزه ده دا پاڼه کاملاً شخصي ده او مصارف يې کاملاً شخصي د انفاق فی سبيل الله څخه دي