په اوبو کې د اوسیدونکو حيواناتو غوښې

کوچني حيوانات او حشرات :

د ملخ[1] پرته د ټولو حشراتو لکه : مار ، موږک ، لړم ، لټک ، مچان ، مږی ، مچۍ ، چينجی ، غڼې ، سوسمار  او د نورو حشراتو د غوښو خوړل حرام دي ، په دلیل د دغه قول د الله تعالی :{ويحرم عليهم الخبائث} [الأعراف:157/7].

د اوبو حيوانات

لومړی :

هغه چې په اوبو او وچه دواړو کې اوسیږي لکه : چونګښه، كيشپ ،سرطان ، مار ، تمساح  او د اوبو سپی د غوښو خوړل يې حرام دي [2].

دوهم :

ټول هغه حيوانات چې په اوبو کې اوسيږي د امام ابوحنيفه رحمه الله په نزد د ماهي پرته د بحر او درياب ټول حيوانات د ذبحې پرته حرام دي مګر که ماهی په اوبو کې مړ شوی وي د ذبحې پرته جايز دی مګر دا چې «الطافي» وي .

الطافي : هغه ماهی ته وايي چې د کوم سبب پرته مړ شوی وي او د مرګ وخت يې معلوم نه وي چې څه وخت مړ شوی دی .

او د جمهورو فقهاوو په نزد د اوبو ټول حيوانات د ذبحې پرته حلال دي ، يوازې د ځنو فقهاوو په نزد د اوبو د خنزير په خوړلو کې کراهیت شته[3] .

آن لاين اسلامي لارښود

ـــــــــــــــــــــــــــــــــــــــــــــــــــــــ

[1] – ملخ د ذبحې پرته حلال دی په دليل د دغه حديث شريف : أحلَّت لَكُم ميتتانِ ودَمانِ، فأمَّا الميتَتانِ، فالحوتُ والجرادُ، وأمَّا الدَّمانِ، فالكبِدُ والطِّحالُ (أخرجه ابن ماجه (۳۳۱۴) واللفظ له، وأحمد (۵۷۲۳)

[2] – قال الحنفية والشافعية  : لا يحل أكلها؛ لأنها من الخبائث، وللسمية في الحية، ولأن «النبي صلّى الله عليه وسلم نهى عن قتل الضفدع»  ولو حل أكله، لم ينه عن قتله ( فقه الاسلامي وادلته ) .

[3] – الموسوعة الفقهية : ۵/ ۱۲۹ ، البدائع :۵/۳۵ ، و حاشيه ابن عابدين : ۵/۱۹۵ .

Print Friendly, PDF & Email
آن لاين اسلامي لارښود حفظها الله په افغانستان کې د اهل سنت والجماعت (مذهب امام ابوحنيفه رحمه الله ) د ديني څيړنو او تحقيقاتو يوه معتبره پاڼه ده چې هدف يې ټولنې ته د شرعي اوامرو رسول د کفر ، شرک ، بدعت او ټولو نا روا کړنو پر وړاندې په دلائلو ولاړه کلکه مبارزه ده دا پاڼه کاملاً شخصي ده او مصارف يې کاملاً شخصي د انفاق فی سبيل الله څخه دي