د غير مسلم سره ستړې مشي کول څه حکم لري ؟

اسلام علیکم ورحمت الله وبرکاته

ستاسو روغ صحت د پاک رب نه غواړم هیله لرم چی روغ جوړ به یاست

عزت الله اتمانزی یم د ایران نه

یوه پوښتنه لرم هیله کوم چی ځواب یی راکړی ، یو مسلمان کافر سره په لاس ستړی مشی (روغبړ) کولی شی که نه

د شریعت محمدی له نظره دا کار جواز لری که نه

ځواب

بسم الله الرحمن الرحيم

غير مسلم ته د سلام څخه پرته مصافحه يا ستړي مشي کول لاندې حالتونو لري :

۱- د مذاهبو د جمهورو فقهاوو په نزد د غير مسلم سره د کوم مصلحت او حاجت پرته د ستړي مشو پيل او شروع کول مکروه دي (حاشية ابن عابدين 6/412، المجموع 19/۴۱۵).

د کراهيت علت د کافر ته د مسلمان ټيټوالی او د شرعې حکم مخالفت دی .

۲- او که څه حاجت او مصلحت وي لکه د خپل غير مسلم ګاونډي سره د ستړي مشو پيلول او يا د دعوت په نيت نو بيا کراهيت نلري .

لا بأس بمصافحة المسلم جاره النصراني إذا رجع بعد الغيبة ويتأذى بترك المصافحة (حاشية ابن عابدين 6 / 412).

و الله سبحانه وتعالی اعلم

آن لاين اسلامي لارښود

Print Friendly, PDF & Email
آن لاين اسلامي لارښود حفظها الله په افغانستان کې د اهل سنت والجماعت (مذهب امام ابوحنيفه رحمه الله ) د ديني څيړنو او تحقيقاتو يوه معتبره پاڼه ده چې هدف يې ټولنې ته د شرعي اوامرو رسول د کفر ، شرک ، بدعت او ټولو نا روا کړنو پر وړاندې په دلائلو ولاړه کلکه مبارزه ده دا پاڼه کاملاً شخصي ده او مصارف يې کاملاً شخصي د انفاق فی سبيل الله څخه دي