په لمانځه کې نيمګړتياوې

په شعائرو او عباداتو کې نيمګړتياوې

اول – په لمانځه کې نيمګړتيا

نن چې د ډيرو مسلمانانو اخلاق او اعمال خراب دي نو يوه وجه يې دا ده چې په لمانځه کې يې نيګړتيا ده ځکه چې کامل لمونځ بنده له ناوړه کارونو څخه ساتي :[ إِنَّ الصَّلاةَ تَنْهَى عَنِ الْفَحْشَاءِ وَالْمُنْكَرِ][1].

ژباړه: او لمونځ ودروه يقيناً لمونځ د بې حيایی او ناروا کارونو مخه نيسي.

په لمانځه کې کومې نيګړتياوې :

د مثال په توګه :

۱- ډير مسلمانان جومات ته د لمانځه د ادا کولو لپاره نه ځي .

حال دا چې د جماعت لمونځ واجب دی :

الله سبحانه وتعالی خپلو مؤمنو بنده ګانو ته داسې حکم کړی دی :[وأقيموا الصلاة وآتوا الزكاة واركعوا مع الراكعين][2] .

صاحب الدرمختار ابن عابدِين رحمه الله وايي:

“ان صلوة الجماعة واجبة على الراجح فى المذهب أو سنّة مؤكدة فى حكم الواجب كما فى البحر و صرحوا بفسق تاركها و تعزيره و أنه يأثم”[3].

ژباړه : د جماعت لمونځ په راجح قول سره په مذهب کې واجب دی ، سنت مؤکد په حکم د واجب دی لکه څنګه چې په (البحر) راغلی ، ترک کول يې فسق دی او د پرېښودونکې د پاره تعزير دی او هغه ګناهکار دی .

رسول الله صلی الله عليه وسلم فرمايلي : «مَنْ سَمِعَ النِّدَاءَ فَلَمْ يُجِبْ فَلاَ صَلاَةَ لَهُ إِلاَّ مِنْ عُذْرٍ»[4] .

ژباړه : چا چي اذان وارويد او هغه ته يې ځواب ورنه کړ (جماعت ته حاضر نشو ) نو د هغه لمونځ ونشو مګر دا چې څه عذر وي ( لکه : ويره او مرض) .

حضرت عمرفاروق پخپل دور خلافت کې خپلو ټولو واليانو داسې ليک وليږه :

: «إنَّ أهم أمركم عندي الصلاة فمن حفظها فقد حفظ دينه، ومن ضيّعها فهو لما سواها أضيع، ومن المحافظة عليها أداؤها جماعة فى المسجد»[5] .

ژباړه : تر ټولو مهم د تاسې له أمور څخه ماته لمونځ دی ،پس هر چا چې د هغه حفاظت وکړ هغې خپل دين وساتلو او چا چې هغه ضايع کړ هغه ته د نورو شيانو ضايع کول آسان دي او د هغه کمال او محافظت دا دی چې لمونځ په جمع په جومات کې ادا شي .

۲-  د لمانځه په ارکانو او واجباتو کې نيګړتيا ده ځنې مسلمانان د لمانځه ارکان او واجبات په سکون او آرام او د شرعې موافق نه ادا کوي …

مثلاً : قومه او جلسه صحي نه ادا کوي د ارکان په ادا کې سکون نه وي بلکي په بيړه سره لمونځ ادا کوي .

د پنځو امامانو (امام مالک ، امام شافعي ، امام احمد ، امام يوسف او امام زفر رحمهم الله ) په نزد قومه ( د رکوع څخه پورته کيدل ) او جلسه (د دوو سجدو په منځ کيناستل ) او همدارنګه طمانيه او سکون فرض دي .

د دوی دليل دا دی چې يو ځل يو صحابه د رسول الله صلی الله عليه وسلم په مخکې د سکون او طمانيه پرته لمونځ کولو نو دغه صحابې ته يې وفرمايل :

«ارْجِعْ فَصَلِّ فَإِنَّكَ لَمْ تُصَلِّ» ( بيرته له سره لمونځ وکړه تا خو لمونځ ونه کړ ) .

۳- د لمانځه د تعليم ، ترغيب (تشويق ) او ترهيب (ويرولو ) په باره کې غفلت کول ، ډير علماء نورو مسلمانانو ته د لمانځه په تعليم ، ترغيب او ترهيب کې غفلت کوي نو هغوی د خپلو لمونځونو د احکامو او ارکانو څخه غافله شوي دي .

و بالله توفيق

آن لاين اسلامي لارښود


[1] – سوره العنکبوت :۴۵ .

[2] – سوره البقره :۴۳ .

[3] – رد المحتار: ۱/۳۳۷، البحر الرائق: ۱/۳۴۱.

[4] – رواه ابن ماجه و ابن حبان .

[5] – رواه امام مالک في موطا و ابن قيم الجوزي .

Print Friendly, PDF & Email
آن لاين اسلامي لارښود حفظها الله په افغانستان کې د اهل سنت والجماعت (مذهب امام ابوحنيفه رحمه الله ) د ديني څيړنو او تحقيقاتو يوه معتبره پاڼه ده چې هدف يې ټولنې ته د شرعي اوامرو رسول د کفر ، شرک ، بدعت او ټولو نا روا کړنو پر وړاندې په دلائلو ولاړه کلکه مبارزه ده دا پاڼه کاملاً شخصي ده او مصارف يې کاملاً شخصي د انفاق فی سبيل الله څخه دي