په اخلاقو کې نيګړتيا

او ددې اړخ څخه حتی ډير مصلحين او دعوتګر هم غافله دي حال دا چې اخلاق د اسلام په تله کې د عقيدې د اړخ سره ولاړ دي تر څو بنسټ ور باندې وديږي.

 او ولی به داسې نه وي ؟

جناب رسول الله صلی الله عليه وسلم د همدې هدف لپاره استولی شوی دی : ” إِنَّمَا بُعِثتُ لِأُتَمِّمَ مَكَارِمَ الأَخلَاقِ ( رواه البخاري في الأدب المفرد-273).

ژباړه: يقيناً چې زه د اخلاق د تکميل د پاره استول شوی يم  .

 او ولی به داسې نه وي ؟

رسول الله صلی الله عليه وسلم د رسالت نيم عمر مسلمانانو ته دعقيدې په څنګ کې د اخلاقو تربيت ورکولو .

او ولی به داسې نه وي ؟

او په دې سره اسلامي دعوت خپور شوی دی چې د فتحه شويو سيمو د نيمايي څخه زياتو سيمو کې اسلام د اخلاقو په وجه خپور شوی دی ، يعنې په معاملاتو کې د مسلمان سوداګرو د غوره اخلاقو او ښه سلوک په وجه ډير کسان مسلمان شوي دي .

او ولی به داسې نه وي ؟

د رسول الله صلی الله عليه وسلم اخلاق قرآن وو چې د اخلاقو په وجه د خلکو شريف ترين انسان وو [ وَإِنَّكَ لَعَلى خُلُقٍ عَظِيم][1]

او مونږ ته امر شوی چې د رسول الله صلی الله عليه وسلم د سترو اخلاقو پيروي وګړو .

[لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ لِمَنْ كَانَ يَرْجُو اللَّهَ وَالْيَوْمَ الآَخِرَ وَذَكَرَ اللَّهَ كَثِيرًا][2]

په دې اړه ډير مثالونه شتون لري چې زمږنږ په سپيچلې دين کې په اخلاقو باندې څومره ټينګار شوی ځنې یې په لاندې توګه دي

رسول الله صلی الله عليه وسلم فرمايلي: «مَنْ كانَ يُؤمنُ بِاللَّه واليَومِ الآخِرِ فَلْيُكرِمْ ضَيفَه »

او فرمايي: «واللَّهِ لا يُؤْمِن، واللَّهِ لا يُؤْمِن، واللَّهِ لا يُؤْمِن » قِيل: منْ يا رسولَ اللَّه؟ قال:« الَّذي: لا يأْمنُ جارُهُ بَوَائِقَهُ» (متفق عليه).

ژباړه : په الله قسم مؤمن نه دي په الله قسم مؤمن نه دی په الله قسم مؤمن نه دی. وویل شول څوک یا رسول الله صلی الله علیه وسلم؟ ویې فرمایل: هغه څوک چې ګاونډی یې له شر څخه په امن نه وی.

او په قرآنکريم کې د مؤمنانو صفات بيان شوې دي چې د هغو څخه يو هم هغه ډله ده چې پر خپلو وعدو باندې وفا کوي او خپلولي پالي او د الله پخاطر صبر کوي .

[وَالَّذِينَ هُمْ لأَمَانَاتِهِمْ وَعَهْدِهِمْ رَاعُونَ] (المومنون ۸).

وَالَّذِينَ يَصِلُونَ مَا أَمَرَ اللّهُ بِهِ أَن يُوصَلَ (الرعد :۲۱ ).

وَالَّذِينَ صَبَرُواْ ابْتِغَاء وَجْهِ رَبِّهِمْ (الرعد :۲۲ ).

او د اخلاقو اړيګه له عبادت سره دا دی چې په هغه باندې اهتمام خپله عبادت دی ، رسول الله صلی الله عليه وسلم فرمايلي :« إِنَّ الُمؤْمِنَ لَيُدْركُ بِحُسنِ خُلُقِه درَجةَ الصائمِ القَائمِ » [3]

ژباړه: مومن بنده د خپلو ښواخلاقو په ذريعه د (نفلي ) روژه نيونکي ،عبادت کونکی درجه حاصلولی شي .

همدارنګه فرمايي :« مَا مِن شَيءٍ أَثْقَلُ في ميزَانِ المُؤمِنِ يَومَ القِيامة من حُسْنِ الخُلُق. وإِنَّ اللَّه يُبغِضُ الفَاحِشَ البَذِيِّ »[4]

ژباړه: د قيامت په ورځ به د مؤمن بنده د پاره بل هيڅ يوعمل بغير له ښواخلاقو نه زيات وزمين نه وي ، الله تعالی بيهوده خبرې کونکی اوبی حياء خبرې کونکی بد ګڼي .

او فرمايي : « إِن مِنْ أَحَبِّكُم إِليَّ، وَأَقْرَبِكُمْ مِنِّي مَجلساً يَومَ القِيَامَةِ ، أَحَاسِنَكُم أَخلاقا، و انَّ أَبغَضَکُم  إِليَّ  وَأَبْعَدَکُم مِنِّي مَجْلِساً يَومَ القِیَامَةِ الثَّرثَارون وَالمُتَشَدِّقُونَ وَ المُتَفَيْهِقُونَ»[5] .

ژباړه: يقيناً د قيامت په ورځ به ما ته د تاسې څخه تر ټولو محبوب او نږدې د مجلس له نظره هغه څوک وي چې په تاسې ټولو کې د غوره اخلاقو خاوند وي ، او تاسې څخه ما ته ناخوښ او د قيامت په ورځ زما د مجلس څخه لری کسان بې ګټې ډيرې خبرې کوونکي او په خبرو کبر او غرور کوونکی چې پر نورو کسانو ځان لوړ ګڼې .

نو دا اخلاق چې دومره زيات ټينګار ورباندې شوی او دومره زيات افضل عمل دی د کومو صفاتو مجموعه دي ؟ په راتلونکي درس کې …

أساليب الغزوه الفکري للعالم الاسلامي

آن لاين اسلامي لارښود


[1] – سوره القلم :۴ .

[2] – سوره الاحزاب : ۲۱ .

[3] – رواه ابؤداود .

[4] – رواه الترمذي وقال: حديث حسن صحيح.

[5] – رواه الترمذي وقال: حديث حسن.

Print Friendly, PDF & Email
آن لاين اسلامي لارښود حفظها الله په افغانستان کې د اهل سنت والجماعت (مذهب امام ابوحنيفه رحمه الله ) د ديني څيړنو او تحقيقاتو يوه معتبره پاڼه ده چې هدف يې ټولنې ته د شرعي اوامرو رسول د کفر ، شرک ، بدعت او ټولو نا روا کړنو پر وړاندې په دلائلو ولاړه کلکه مبارزه ده دا پاڼه کاملاً شخصي ده او مصارف يې کاملاً شخصي د انفاق فی سبيل الله څخه دي