د کمونيزم ماتي او په روسيه کې د اسلام چټک خپريدل

که څه هم د اسلام دغو سر سخته دوښمانان د اسلام د له منځته وړلو د هيڅ شان وسيلې کارولو څخه مخ وانړولو ، د سره انقلاب مشر لينن به ويل : مونږ به د دين جرړې وباسو او د حلالي او حرامي اولاد تر منځ فرق به له منځه يوسو .

او کمونسزم د خپرلو او اسلام له منځه وړلو لپاره يې زيات جنګونه وکړل زيات بې ګناه انسانان يې ووژل خپل زيات مالونه يې مصرف او د خپلې باطلې نظریې او د اسلام له منځه وړلو لپاره يې ډير فکري کار وکړ مګر آخر دا چې په هيڅ وجه يې اسلام له منځه يونووړ حتی د اسلامي د خپراوی مخنيوی هم ونشو کړای .

اوس مهال مسلمانان د روسيه د ټول نفوس ۲۰٪ تشکلوي او په روسيه کې د مسلمانان شمير ۲۸ ميليونه ته رسیږي ، د شوروي سره انقلاب پر مهال پر ټوله روسیه کې ۱۰۰ جوماتونه وو او اس هلته ۷۰۰۰ جوماتونه دي ، د روسيې په پايتخت مسکو کې يو ميليون مسلمانان اوسيږي او د جوماتونو د کمود څخه کړيږي په مکسو کې يوازې څلور جوماتونه دي ، د مسکو «جامع الکبير» جومات چې اوس مهال په نوي ديزاين په ۳۱۰۰۰ متر مربع ځمکه او شپږ پوړونو کې جوړ شوی دی د ننه او بهر احاطه يې يوازې د ۲۰۰۰۰ لمونځ کوونکو ظرفيت لري د جمعې او اخترونو په لمانځه کې په لکونو کسان د باندې په عامه سړکونو باندې ولاړ وي ؟

آیا محلدينو له روسيې څخه اسلام نابود کړ ؟ او يا يې په روسيه کې د اسلام د خپرويدو مخنيوی وکړ ؟

اوس مهال د مسکو د لوی جومات چاپيره په عامه سړکونو او ځايونو کې د مسلمانانو زياته ګڼه ګونه په داسې يو ځای کې تر سترګو کيږي چې هغه د ملحدينو مرکز دی ، مؤمنان واحد لاشريک رب العالمين ته سجدي لګوي او دا هر څه د مارکس او لينن شاګردان ويني .

يُرِيدُونَ لِيُطْفِؤُوا نُورَ اللَّهِ بِأَفْوَاهِهِمْ وَاللَّهُ مُتِمُّ نُورِهِ وَلَوْ كَرِهَ الْكَافِرُونَ

ژباړه: دوى غواړي چې په خپلو خولو سره د الله رڼا مړه كړي۔ او الله د خپلې رڼا پوره كوونكى دى۔ اګر كه كافران (دا كار) بد ګڼي.

آن لاين اسلامي لارښود

Print Friendly, PDF & Email
آن لاين اسلامي لارښود حفظها الله په افغانستان کې د اهل سنت والجماعت (مذهب امام ابوحنيفه رحمه الله ) د ديني څيړنو او تحقيقاتو يوه معتبره پاڼه ده چې هدف يې ټولنې ته د شرعي اوامرو رسول د کفر ، شرک ، بدعت او ټولو نا روا کړنو پر وړاندې په دلائلو ولاړه کلکه مبارزه ده دا پاڼه کاملاً شخصي ده او مصارف يې کاملاً شخصي د انفاق فی سبيل الله څخه دي