اسلام علیکم ورحمة الله وبرکاته
مننه له تاسو چې ددین په برخه کې له خلکو سره مرسته کوي الله دي اجر درکړي. آمین
پوښتنه: څو میاشتي مخکې زما د ورور ښځه او څلور ماشومان په یوه حادثه کې په شهادت ورسیدل اوس مي ورور تنها ده یعني ټوله کورنۍ یې ختمه شوه زما د ورور ښځې د طلا هغه سیټ چې موږ په واده کې ورته اخیستي و د پلار کره وړی و اوس هم هلته دی. اوس پوښتنه داده چې دا طلا د چا حق دی زما د ورور حق کیږي او که د ښځې د کورنۍ. د وفات شوې ښځې مور ، څلور خويندې او دوه وروڼه ژوندي دي او پلار يې وفات دی
مننه
ځواب
بسم الله الرحمن الرحيم
خاوند لره (1/2) حصه ده ځکه چې د وفات شوې ښځې اولاد موجود نه دی .
لقوله سبحانه وتعالی : وَلَكُمْ نِصْفُ مَا تَرَكَ أَزْوَاجُكُمْ إِن لَّمْ يَكُن لَّهُنَّ وَلَدٌ (النسآء :۱۲ ).
مور لره (1/6) حصه ده ځکه د مړي وروڼه او خويندې شتون لري .
لقوله سبحانه وتعالی : فَإِن كَانَ لَهُ إِخْوَةٌ فَلأُمِّهِ السُّدُسُ (النسآء ۱۱ ) .
او د وفات شوې ښځې ورونه او خويندې عصبه دي پاتې د دوی په منځ کې تقسميږي .
د خاوند برخه (50%)
د مور برخه (16.67%)
د هر ورور برخه (8.33)
د هرې خور برخه (4.165%)
کيږي
و الله سبحانه و تعالی اعلم
آن لاين اسلامي لارښود