محترمو زما پوښتنه دا ده چې که چیرې د یوی ښځې د نفاس اخیري ورځې وي او زړې اوبه وي نوروژه نیولی شی اوکنه مننه الله ج دی خیردرکړی.

ځواب

بسم الله الرحمن الرحيم

د نفاس (د ولادت د وينو) زياته موده څلويښت ورځې ده او کمه موده د ښځې په عادت پورې اړه لري .

«عن انس انه صلی الله عليه وسلم وقت لِلنُّفَسآءِ اربعين یوماً الا ان تری الطُّهر قبل ذالک» [1] .

ښځه خپل د حيض او نفاس پاکوالی په دوو نښو پيژني :

اول- کله د حيض او نفاس د وينې وروسته سپنې اوبه راشي .

دوهم- کله چې خپله ټوټه پاکه وويني .

او حيض او نفاس په وسط او يا آخر کې د زېړو اوبو راتلل هم د نفاس يا حيض د وينې حکم لري لمونځ او روژه به نيسي څو خپله پاکي وويني :

جاء في فتاوى المرأة المسلمة” صـ 304

هذه الصفرة أو السائل المخاطي ، ما دام لم تظهر فيه الطهارة الواضحة البينة فإنه تابع لحكم الدم ، فلا تكون طاهراً حتى تتخلص من هذا”

و الله سبحانه وتعالی اعلم

آن لاين اسلامي لارښود

[1] – رواه دارالقطني و الحاکم .

Print Friendly, PDF & Email