د عثماني خلافت قوت او فتوحات :

عثماني خلافت په هغه وخت کې په ټوله نړی کې يوازنی ستر او قوي اسلامي حکومت وو چې تقريباً په (۵،۶) ميليون کيلومتره مربع خاوره يې حکومت کولو .

د دغه حکومت قلمرو د اورپا د وين ښار (هابسبورګ ) پورې رسیدلی وو چې د اورپا قارې (بلغارستان ، يونان ، صربستان ، آلباني ، بوسنيا ، رومنيا) او د آسيا او افريکا زياتې برخې يې تر خپل قلمرو لاندې وې .

روسیې عثماني خلافت ته جزيه ورکوله ، ځنې مأرخين ليکلي چې د امريکا د وخت رئيس جمهور «جورج واشيطن» د عثماني خلافت د الجزائر له والي «بکر حسن» سره معاهده کړې وه چې مونږ به جزيه درکوو او تاسې پر مونږ باندې حمله مه کوئ .

د عثماني خلافت د قوت ، فتوحاتو او دوام عوامل :

اول – قوي او راسخ ايمان : د عثماني خلافت د خلفاوو راسخ ايمان او په اطاعت او عبادت باندې پوره پابندي وه ، ددې خلفاوو هم او غم يوازې د الله تعالی د رضا لاس ته راوړل او د يوې با ايمانه ټولنې جوړول وو .

عثمان بن ارطغرل پخپل آخري وصيت کې خپل زوی ته وايي : “إياك أن تفعل أمرًا لا يُرضِي الله ” ( تا له داسې کار څخه منع کوم چې د الله تعالی په هغه کار کې رضا نه وي) .

او په بل وصيت کې ورته وايي : “واعلم يا بُني أنَّ طريقنا الوحيد هو طريق الله” ( پوه شه ، ای زویه ! زمونږ یوازنی مسير او لاره هغه ده کوم الله تعالی ټاکلی ده ، يعنې د اسلام لاره ).

او په ځينو تاريخي رواياتو کې راغلي چې ددغه خلافت حاکمانو به پر خپلو مناجاتو کې پر الله تعالی پناه غوښته د داسې څه څخه کوم د هغه (جل جلاله) د نارضايت سبب کيدل .

مورخينو په دې اعتراف کړی دی چې د عثماني خلافت اکثره حاکمان د قوي او راسخ ايمان خاوندان وو او همدا د دوی راسخ ايمان او پر الله تعالی باندې توکل د سترو فتوحات او عزت سبب وو .

يقيناً د هر ملت او حکومت لوړوالی د هغه د ايمان او عقيدې په پرتله وي .

دوهم – د نومړي خلافت د قوت او عزت دوهم سبب د الله تعالی په لاره کې جهاد او د اسلام د نصرت او وسعت لپاره د اسلامي امت پراختيا وه ، هغوی د الله تعالی په لاره کې جهاد کول او ديني دعوت خپل واجب او مسئوليت بللو او هر يوه ته يې د غازې ( د الله تعالی د لارې مجاهد ) ويل کيده .

د جهاد في سبيل الله څخه د عثماني خلافت يوازنی هدف د الله تعالی دين ته بلنه ،نشر او خپريدل وو بل څه نه وو . او دوی په دې عقيده وو چې د دين خپرول او د دين تعليم زمونږ مسئوليت دی .

دريم – د علم او تعليم په برخه کې خاص اهتمام او د دولتي دستګا نزېوالی علماوو ته ، عثماني دولت ددې زيات حريص وو چې په خلکو کې علم او په خاصه توګه شرعي علم نشر کړي .

د نومړي خلافت مؤسس عثمان خپل زوی ته په يو وصيت کې وايي : ای زویه تاته وصیت کوم چې ددې امت د علماوو قدر او احترام کوه او د هغوی سره زياته سلا مشوره کوه ځکه چې هغوی تاته د خير پرته په بل څه امر نه کوي .

څلورم – د نومړي خلافت د قوت او عزت څلورم عامل عدل او انصاف وو ، ځکه چې دا الهي سنت دي چې په هر حکومت کې ظلم وي الله تعالی يې له مينځه وړي او په هر حکومت کې چې عدل او انصاف وي الله تعالی دوام ورکوي .

د عثماني خلافت د حاکمانو ليست :

 عثمان الأول 1326-1290م
أورخان 1360-1326م
مراد الأول 1388-1360م
بايزيد الأول 1403-1388م
محمد الأول 1421-1413م
مراد الثاني 1444-1421م
محمد الثاني 1446-1444م
مراد الثاني 1451-1446م
محمد الثاني 1481-1451م
بايزيد الثاني 1512-1481م
سليم الأول 1520-1512م
سليمان الأول 1566-1520م
سليم الثاني 1574-1566م
مراد الثالث 1594-1574م
محمد الثالث 1603-1594م
أحمد الأول 1617-1603م
مصطفى الأول 1618-1617م
عثمان الثاني 1622-1618م
مصطفى الأول 1623-1622م
مراد الرابع 1640-1623م
إابراهيم 1648-1640م
محمد الرابع 1687-1648م
سليمان الثاني 1690-1687م
أحمد الثاني 1694-1690م
مصطفى الثاني 1703-1694م
محمود الأول 1730-1703م
مصطفى الثالث 1774-1757م
عثمان الثالث 1757-1754م
مصطفى الثالث 1774-1757م
عبد الحميد الأول 1789-1774م
سليم الثالث 1807-1789م
مصطفى الرابع 1808-1807م
محمود الثاني 1839-1808م
عبد المجيد الأول 1861-1839م
عبد العزيز 1876-1861م
مراد الخامس 1876م
عبد الحميد الثاني 1909-1876م
محمد الخامس 1918-1909م
محمد السادس 1922-1918م
عبد المجيد الثاني 1924-1922م
د عثماني خلافت نقشه
حدود الدولة العثمانية
آن لاين اسلامي لارښود
Print Friendly, PDF & Email