اسلام عليكم ورحمته الله د نغدو پيسو ذكات په هكله معلومات راكرئ
جلال افغان
ځواب
بسم الله الرحمن الرحيم
نغدي پيسې چې په کار او کسب سره کټل شوې وي ، يا د نورو عايداتو څخه په لاس راغلي وي کچېرې کال ورباندې تير شي او نصاب ته ورسيږي زکات ورباندې فرض دی ، لقوله سبحانه وتعالی : [يَا أَيُّهَا الَّذِينَ آمَنُواْ أَنفِقُواْ مِن طَيِّبَاتِ مَا كَسَبْتُمْ] (الفقره :۲۶۷).
ژباړه :ای مؤمنانو! لګوئ ! له حلالو ،پاکو دهغومالونو چه( په کسب سره ) تاسې ګټلئ .
د نغدو پيسو نصاب د سپينو او سرو زرو د نصاب له مخې ټاکل کيږي په نن عصر کې د سپينو زرو نصاب اقل دی په اقل باندې عمل کيږي د سپينو زرو نصاب دوه سوه شرعي درهم چې د (595) ګرام سره سمون خوري .
د مستعملو سپينو زرو د يو ګرام قيمت تقيباً 35 افغانۍ چې نصاب تقريباً 21000 افغانۍ راځي ، يعنې څوک چې (21000) افغانۍ يا تر هغه زياتې ولري او کال ورباندې پوره شي زکات ورباندې فرض دی .
د زکات اندازه څلويښتمه برخه يا 2.5% ده .
آن لاين اسلامي لارښود