د لمانځه وروسته اذکار

۱- د ثوبان رضی الله عنه نه روايت دی چې رسول الله صلی الله عليه وسلم د سلام ګرځولو وروسته دری ځله استغفار :«أسْتَغْفِرُ الله، أسْتَغْفِرُ الله، أسْتَغْفِرُ الله » ويل او ورسته يي دا دعا ويله : « اللَّهُمَّ أَنْتَ السَّلام، ومِنكَ السَّلام، تباركْتَ يَاذا الجلالِ والإكرام »[1] .

ژباړه : ای الله ! ته له ټولو عيبونو نه پاک يې ، او سلامتيا ستا له جانبه ده ، با برکته ذات يې ، ای د لويي او عزت ورکولو څښتنه .

۲- د مُغيره بن شُعبَةَ رضی الله عنه روايت دی چې جناب رسول الله صلی الله عليه وسلم د هر فرض لمانځه وروسته داسې ويل :

«لا إِلَهَ إِلا اللَّهُ وَحْدَهُ لا شَرِيكَ لَهُ لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ. اللَّهُمَّ لا مَانِعَ لِمَا أَعْطَيْتَ، وَلا مُعْطِيَ لِمَا مَنَعْتَ، وَلا يَنْفَعُ ذَا الْجَدِّ مِنْكَ الْجَدُّ»[2].

ژباړه : د الله تعالی پرته بل معبود برحق نشته ، هغه يو دی ، شريک نلري ، هغه لره ( د کائناتو) پاچاهي او پوره غوره ستاينه ده ، او هغه پر هر څه قادر دی ، ای الله ! ته چې (چا ته ) څه ورکوې ، د هغه څوک مانع بندونکی نشته ، او ته چې (له چا نه) څه بند کړې ، د هغه څوک ورکونکی نشته ، او فائده نه کوي مالدار لره د هغه مال  ستا د عذاب ( په لرې کولو کې ).

۳- عبدالله بن زبير رضی الله عنهما وايي چې رسول الله صلی الله عليه وسلم  به د هر لمانځه وروسته داسې ذکر کولو: « لَا إِلٰهَ إِلَّا اللّٰهُ وَحْدَهُ لَا شَرِيكَ لَهُ، لَهُ الْمُلْكُ، وَلَهُ الْحَمْدُ، وَهُوَ عَلٰى كُلِّ شَيْءٍ قَدِيرٌ.لَا حَوْلَ وَلَا قُوَّةَ إِلَّا بِاللّٰهِ، لَا إِلٰهَ إِلَّا اللّٰهُ، وَلَا نَعْبُدُ إِلَّا إِيَّاهُ، لَهُ النِّعْمَةُ وَلَهُ الْفَضْلُ وَلَهُ الثَّنَاءُ الْحَسَنُ، لَا إِلٰهَ إِلَّا اللّٰهُ مخْلِصِينَ لَهُ الدِّينَ وَلَوْ كَرِهَ الكافِرونَ»[3].

ژباړه: د الله پرته بل هيڅ د عبادت وړ نشته ، هغه يو دی ، شريک نلري ، هغه لره (د ټولې هستۍ) تولواکي او پوره غوره ستاينه ده ، او هغه پر هر څه قادر دی ، هيڅ طاقت او قدرت نشته (د ګناه نه د ځان ساتلو او د نيكيو د كولو) مګر د الله پاک په مرسته سره، بې له الله پاک څخه بل د عبادت وړ معبود نشته، او بې له هغه نه د بل چا عبادت نه كوو، نعمت او احسان د ده له جانبه دى، ټوله غوره ستاينه هغه لره ده، بې له الله تعالی نه بل د عبادت وړ معبود نشته، پداسې حال كې چې عبادت او بندګي مو خاص هغه لره ده، كه څه هم كفارو ته خوښه نه وي.

۴- له ابو هريره نه روايت دی چې رسول الله صلی الله عليه وسلم  فرمايي : « مَنْ سَبَّحَ اللهَ فِي دُبُرِ كُلِّ صَلَاةٍ ثَلَاثًا وَثَلَاثِينَ ، وَحَمِدَ اللهَ ثَلَاثًا وَثَلَاثِينَ ، وَكَبَّرَ اللهَ ثَلَاثًا وَثَلَاثِينَ ، فَتْلِكَ تِسْعَةٌ وَتِسْعُونَ ، وَقَالَ تَمَامَ الْمِائَةِ : لَا إِلَهَ إِلَّا اللهُ وَحْدَهُ لَا شَرِيكَ لَهُ ، لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ غُفِرَتْ خَطَايَاهُ وَإِنْ كَانَتْ مِثْلَ زَبَدِ الْبَحْرِ »[4] .

ژباړه: څوک چې د هر لمانځه وروسته (۳۳) ځله «سُبحانَ اللهِ» ، (۳۳) ځله «الحمدُلله» (۳۳) ځله «الله أکبرُ» ووايي چې ټول ۹۹ ځله کيږي او د «لا إِلَهَ إِلا اللَّهُ وَحْدَهُ لا شَرِيكَ لَهُ لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ» په ويلو (۱۰۰) ځله پوره کړي د هغه (کوچني ) ګناهونو به وبخښل شي که څه هم د بحر د کف په شان وي .

۵-  له ابی امامة رضی الله عنه  نه روايت دی چې رسول الله صلی الله عليه وسلم  فرمايي : « مَنْ قَرَأَ آيَةَ الْكُرْسِيِّ فِي دُبُرِ كُلِّ صَلَاةٍ مَكْتُوبَةٍ لَمْ يَمْنَعْهُ مِنْ دُخُولِ الْجَنَّةِ إِلَّا أَنْ يَمُوتَ »[5] .

ژباړه : څوک چې د فرض لمانځه څخه وروسته ايت الکرسي ولولي ، کله چې وفات شي جنت ته به داخل شي .

۶- رسول الله صلی الله عليه وسلم معاذ بن جبل رضی الله عنه ته په دغه دعا وصيت کړی دی چې د هر لمانځه وروسته به يې وايې اللَّهُمَّ أعِنَّا عَلَى ذِكْرِكَ، وَشُكْرِكَ، وَحُسْنِ عِبَادَتِكَ »[6]

ژباړه: ای الله! زما سره کومک وکړه تر څو زه د تا په ذکر او ياد کې ووسم او ستا شکر ادا کړم او ستا سم عبادت وکړم .

۷- سعد بن وقاص رضی الله عنه وايي چې رسول الله صلی الله عليه وسلم د لمانځه وروسته داسې دعا ويله :

«اللَّهُمَّ إِنِّي أَعُوذُ بِكَ مِنَ الْبُخْلِ، وَأَعُوذُ بِكَ مِنَ الْجُبْنِ، وَأَعُوذُ بِكَ أَنْ أُرَدَّ إِلَى أَرْذَلِ الْعُمُرِ، وَأَعُوذُ بِكَ مِنْ فِتْنَةِ الدُّنْيَا وَأَعُوذُ بِكَ مِنْ عَذَابِ الْقَبْرِ»[7] .

ژباړه : ای الله ! زه پر تا پناه غواړم له بخل ، او پر تا پناه غواړم له بزدلی او پر تا پناه غواړم له نا کاره عمره (چې د ذلت سبب شي) او پر تا پناه غواړم د دنيا له فتنې او پر تا پناه غواړم د قبر له عذاب څخه .                                        ۸- عقبه بن عامر رضی الله عنه وايي چې ماته رسول الله صلی الله عليه وسلم حکم کړی چې « أَنْ أَقْرَأَ بِالْمُعَوِّذَاتِ ، فِي دُبُرَ كُلِّ صَلاَةٍ»[8] .

ژباړه: د هر لمانځه وروسته به (قل هو الله أحد ) ، (قل اعوذ برب الفلق ) ، (قل اعوذ برب الناس) وايې .

د سهار او ماښام لمانځه وروسته ۳ ځله او په نورو لمونځونو کې يو ځل لوستل کيږي مګر که د سهار او ماښام په اذکار کې ولوستل شي همداغه کفايت کوي دوهم ځل لوستل يې نشته .

د لمانځه نه وروسته اذکارو خلاصه

۱- «أسْتَغْفِرُ الله» (۳ ځله )

۲- «اللَّهُمَّ أَنْتَ السَّلام، ومِنكَ السَّلام، تباركْتَ يَاذا الجلالِ والإكرام »

۳- «لا إِلَهَ إِلا اللَّهُ وَحْدَهُ لا شَرِيكَ لَهُ لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ. اللَّهُمَّ لا مَانِعَ لِمَا أَعْطَيْتَ، وَلا مُعْطِيَ لِمَا مَنَعْتَ، وَلا يَنْفَعُ ذَا الْجَدِّ مِنْكَ الْجَدُّ».

۴- « لَا إِلٰهَ إِلَّا اللّٰهُ وَحْدَهُ لَا شَرِيكَ لَهُ، لَهُ الْمُلْكُ، وَلَهُ الْحَمْدُ، وَهُوَ عَلٰى كُلِّ شَيْءٍ قَدِيرٌ.لَا حَوْلَ وَلَا قُوَّةَ إِلَّا بِاللّٰهِ، لَا إِلٰهَ إِلَّا اللّٰهُ، وَلَا نَعْبُدُ إِلَّا إِيَّاهُ، لَهُ النِّعْمَةُ وَلَهُ الْفَضْلُ وَلَهُ الثَّنَاءُ الْحَسَنُ، لَا إِلٰهَ إِلَّا اللّٰهُ مخْلِصِينَ لَهُ الدِّينَ وَلَوْ كَرِهَ الكافِرونَ» .

۵- « سُبحانَ اللهِ» (۳۳ ځله ) ، « الحمدُلله» (۳۳ ځله ) ، «الله أکبر» (۳۳ ځله ).

«لا إِلَهَ إِلا اللَّهُ وَحْدَهُ لا شَرِيكَ لَهُ لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ» (يو ځل )

۶-   «اية الکرسي» (يو ځل )

۷- « اللَّهُمَّ أعِنَّا عَلَى ذِكْرِكَ، وَشُكْرِكَ، وَحُسْنِ عِبَادَتِكَ » (يو ځل )

۸- «قل هو الله أحد» ، «قل اعوذ برب الفلق » ، «قل اعوذ برب الناس» (سهار او ماښام دری ځله نورو لمونځونو کې يو ځل )

۹- اللَّهُمَّ إِنِّي أَعُوذُ بِكَ مِنَ الْبُخْلِ، وَأَعُوذُ بِكَ مِنَ الْجُبْنِ، وَأَعُوذُ بِكَ أَنْ أُرَدَّ إِلَى أَرْذَلِ الْعُمُرِ، وَأَعُوذُ بِكَ مِنْ فِتْنَةِ الدُّنْيَا وَأَعُوذُ بِكَ مِنْ عَذَابِ الْقَبْرِ (يو ځل )

آن لاين اسلامي لارښود


[1] – رواه مسلم :۵۹۱ .

[2] – رواه البخاري :۸۴۴ ، ومسلم :۵۹۳ .

[3] – رواه مسلم : (۵۹۴) .

[4] – رواه مسلم : (۵۹۷) .

[5] – رواه النسائي: (۱۰۰)  و صححه ابن الحبان و صحيح الجامع .

[6] – رواه ابؤداود : (۱۵۲۲) بالسناد صحيح .

[7] – رواه البخاري : (۶۳۷۰) .

[8] – رواه احمد : (۱۷۴۱۷)، ابؤداود: (۱۵۲۳) ، والنسائي: (۱۳۳۶) وصحيح الحاکم ، و صحيح ابن حبان.

Print Friendly, PDF & Email
آن لاين اسلامي لارښود حفظها الله په افغانستان کې د اهل سنت والجماعت (مذهب امام ابوحنيفه رحمه الله ) د ديني څيړنو او تحقيقاتو يوه معتبره پاڼه ده چې هدف يې ټولنې ته د شرعي اوامرو رسول د کفر ، شرک ، بدعت او ټولو نا روا کړنو پر وړاندې په دلائلو ولاړه کلکه مبارزه ده دا پاڼه کاملاً شخصي ده او مصارف يې کاملاً شخصي د انفاق فی سبيل الله څخه دي