په ازموينه کې نقل کول

اسلام علیکم د پاڼې محترمو چلونکو ته نیکې هیلې او احترامات وړاندې کوم هیله ده چې صحت مند به وئ
زما پوښتنه په ازموینه کې د نقل کولو په باره کې ده که کوم کس نقل کوي ایا دا عمل کوم کناه لري او کنه که يه دې اړه معلومات راکړئ مننه

عبدالجليل

ځواب

بسم الله الرحمن الرحيم

په آزموينو کې نقل تقلب ، خيانت او فريب بلل کيږي او دا کار حرام دی .

رسول الله صَلَّى اللَّهُ عَلَيْهِ وَسَلَّمَ فرمايلي دي: «مَنْ غشّنا فَلَيْسَ منّا»

ژباړه: هر چا چې زمونږ سره توکه او فريب وکړهغه له مونږ څخه نه دی.

نقل کول د ځان په حق کې خيانت او ځان ته ضرر دی د اسلامي شريعت قاعده ده چې : (لا ضرر و لا ضرار) ، يعنې په اسلام کې ځان او بل ته ضرر رسول حرام دي .

کچېرې زده کوونکی په نقل او تقلب کارۍ عادت شي ، نو درس زده کولو ته زړه نه ښه کوي ، علمي سطحه يې له زوال سره مخ کيږي او آينده کې له مشکلاتو سره مخامخ او بلاخره يو تقلب کاره شخص ورڅخه جوړيږي .

چې په دې اړه علمي ادارې ، استاذ او معلم ته پوره مسئوليت متوجه دی .

و بالله توفيق

آن لاين اسلامي لارښود

Print Friendly, PDF & Email
آن لاين اسلامي لارښود حفظها الله په افغانستان کې د اهل سنت والجماعت (مذهب امام ابوحنيفه رحمه الله ) د ديني څيړنو او تحقيقاتو يوه معتبره پاڼه ده چې هدف يې ټولنې ته د شرعي اوامرو رسول د کفر ، شرک ، بدعت او ټولو نا روا کړنو پر وړاندې په دلائلو ولاړه کلکه مبارزه ده دا پاڼه کاملاً شخصي ده او مصارف يې کاملاً شخصي د انفاق فی سبيل الله څخه دي