د انفاق في سبيل الله خبرتيا
د لوی خير لپاره انفاق في سبيل الله
ټولنې ته په هر عصر کې د دين رسول ، وعظ او بيان ضرور دی، تر څو ناخبره پوه شي او غافله خلک بيدار او متوجه شي ، چې دا مسئوليت هر مسلمان ته د خپل وس موافق متوجه دی چا ته د علم او بيان ، چاته د ليکلو او چا ته د مالي امکاناتو مسئوليت متوجه دی .
د دعوت الی الله له وسائلو څخه يو غوره وسيله کتاب دی چې کيدای شي تر څو نسلونو پورې باقي او ډير خلک د هغه د لارښوونو څخه استفاده وکړي .
د ټولنې د ضرورت پر بنا مو ځينې کتابونه د خپل وس موافق چاپ کړي او د هيواد په ځينې ولاياتو کې مو ويشلې دي ، مګر لله حمد د خلکو شوق او رغبت ډير زيات دی ، کتابونه غواړي کتابونه نشته .
نو ځکه مو تصميم ونيو چې په دغه ستر دعوت الی الله کې ځينې مخلص وروڼه څه اندازه مالي کومک وکړي څو تر نورو وروڼو ته هم ورسيږي او د دوی لپاره به جاري صدقه وي ځکه دا کار عظيم کار دی ، عظيمه صدقه ده چې ځينې فضائل يې په لاندې ډول دي :
اول : د انسان اصلي مال هغه دی چې مخکې یې لېږلی وي :
جناب رسول الله صلی الله عليه وسلم فرمايي: آيا په تاسې کې داسې څوک شته چې د خپل مال څخه د وارث مال زيات دوست وګڼې؟ صحابه کرامو وويل : مونږ ټول خپل مال خوښوو، رسول الله وفرمايل : «فَإِنَّ مَالَهُ مَا قَدَّمَ، وَمَالُ وَارِثِهِ مَا أَخَّرَ» (رواه البخارى:6442).
ژباړه : اصلاً د انسان خپل مال هغه مال دی چې د خير په لاره کې يې خرچ کړی وي او هغه څه چې ورڅخه پاتې شي د هغه د وارث مال شميرل کيږي .
دوهم : د مال برکت او زيادت او د آفاتو څخه ساتل:
جناب نبی کريم صلی الله عليه وسلم فرمايي :هره ورځ دوې ملائکې ځمکې ته راکوزيږي او داسې وايي: « اللَّهُمَّ أَعْطِ مُنْفِقًا خَلَفًا» ، «اللَّهُمَّ أَعْطِ مُمْسِكًا تَلَفًا». (البخارى: 1442)
يعنې : يوه يې داسې وايي: ای الله ! څوک چې ستا په لار کې انفاق کوي هغې ته بدله ورکړي ، او بله يې وايي : ای الله پاک ! څوک چې ستا په لار کې انفاق (خرچ ) نه کوي د هغه مال هلاک کړه ، يعنې د هغې مال تلف کړې .
دريم : جاري صدقه :
رسول الله صلی الله عليه وسلم فرمايي : إِنَّ مِمَّا يَلْحَقُ الْمُؤْمِنَ مِنْ عَمَلِهِ وَحَسَنَاتِهِ بَعْدَ مَوْتِهِ عِلْمًا عَلَّمَهُ وَنَشَرَهُ، وَوَلَدًا صَالِحًا تَرَكَهُ…..(رواه ابن ماجه و حسنه الألباني ).
ژباړه : هغه اعمال او نېکۍ چې د هغه ثواب د مرګ وروسته مؤمن ته رسيږي دا دي : هغه علم چې عمل ورباندې وشي ، د علم خپرول او صالح اولاد .
څلورم : په دې عمل کې کډون په اسلامي دعوت کې کډون دی :
دغه کتابونو کې خلکو ته د خير طرف ته بلنه او د ديني احکامو خپرول دي .
رسول الله صلی الله عليه وسلم فرمايلي :« من دعا إلى هدى، كان له من الأجر مثل أجور من تبعه، لا ينقص ذلك من أجورهم شيئا. (رواه مسلم 2674 ) .
ژباړه : چا چې د نيکۍ طرف دعوت وکړ نو ده لره به د عمل کوونکو په شان اجر وي او د نيک عمل کوونکو له اجر به هيڅ شی نه کميږي .
هغه کتابونه چې د چاپ او خپرولو لپاره په نظر کې نيول شوې دي :
۱- عقيده (کوم چې د دين بنسټ دی).
۲- علوم القرآن ( قرآن پوهنه او تجويد).
۳- د مسلمانو خويندو احکام (ځکه زمونږ اکثرو خويندو ته د دين احکام نه دي رسيدلي).
۴- د اولاد روزنه ( د والدينو مسئوليت او د هر کور ضرورت ).
۵- معلم ته نصيحت ( اهل معارف خپل مسئوليت ته متوجه کول).
۶- د موسيقۍ ،فلم او سريال اضرار ( ځکه چې دا د نن عصر اخلاًقي وباء ده ).
۷- ناروا دودونه او بدعتونه ( ټولنه د ناروا رواجونو او بدعوتونو څخه خبرول).
۸- د منبر او جومات تنظيم ( د جوماتونو امامان خپلو مسئوليتونو ته متوجه کول).
۹- فقه عبادات (د لمانځه ، زکات ، روژې او حج احکام).
۱۰- د نکاح او طلاق احکام
۱۱- معاملات (معاصر فقهې مسائل) .
نوموړي کتابونه د ټولنې اشد ضرورت ، معتمد او مؤثق کتابونه دي چې د هيواد علماؤ او اهل علم او عام مسلمانان يې پوره استقبال کړی دی او د نورو کتابونه غوښتنه کوي تر اوسه پورې (10000 ) ټوکه چاپ او د هيواد په ځينې ولاياتو کې ويشل شوې دي . او پلان لرو چې د هيواد ټولو ولايتونو ته حد اقل جوماتونو ، مدارسو او مکاتبو ته يې ورسوو تر څو ددې لارې ټولنې ته ورسيږي . و ماتوفيقي الا بالله عليه توکلت و اليه انيب .
آنلاين کتابتون:
د يو آنلاين کتابتون جوړول ، کوم کتابونه چې په پښتو او درې چاپ شوې د هغه ليکل او آنلاين خپرول او د يو جامع عالمي آن لاين کتابتون جوړول ، تر څو خلک ورڅخه په آسانۍ استفاده وکړي خصوصاً هغه کسان چې بهرنيو هيوادونو کې اوسیږي .
نوټ :
که څوک غواړي په دغه لويه جاري صدقه کې برخه واخلي هغوی دې په لاندې پټه اړيکه ونيسي خپل ايمل ادرس دې را وليږي تر څو هغه ته د داخل يا خارج څخه د حوالې او مالي حساب نمبر وروليږو .
https://dawat610.com/archives/3905
او هر کس ته به د هغه په ادرس سره د مصارفو مکمل راپور ورکول کيږي .
و السلام عليکم .
افغانستان