په ماشوم او ماشومه د نوم ايښودل

پنځم – د نوم ايښودل :

مستحب ده چې په اوومه ورځ ماشوم يا ماشومې ته نوم وټاکل شي .

جناب نبی کریم صلی الله عليه وسلم فرمايي : « كل غلام رهينة بعقيقته تُذبح عنه يوم سابعه ، ويُسمى فيه ويُحلق رأسه» ( رواه الترمذي :۱۵۲۲، وأبو داوود :۳۸۳۸) .

ژباړه: هر نوی زږيدلی د هغه د عقيقې په خاطر ګرو دی ، چې بايد په اومه ورځ د هغه د عقيقې ذبح ، د سر د ويښتانو خريل او په هغه باندې نوم ايښودل تر سره شي .

د دريو امامانو په نزد مستحب دا ده چې په اومه ورځ د ماشوم عقيقه ، نوم ټاکل او د سر د ويښانو خريل تر سره شي (کفايت المفتي ج ۸ ص ۲۴۹ – درالمحتار کتاب الاضحية ۶ / ۳۳۶ ) .

لجنة الدائمة ليکی : که عقيقه ، او حلق په اومه ورځ تر سره نشي باک نه لري همدارنګه که عقيقه په يوه ورځ او د سر خريل په بله ورځ تر سره شي باک نه لري (لجنة الدايمة ۴۴۳/۱۱ – هیئت کبار علماء عربستان ) .

د عقيقي د ذبحې وروسته به نوم کيږدي او کچېرې د فقر له وجې عقيقه پاتې شي کله يې چې خوښه شوه نوم دې ورته وټاکي .

وَإِذَا ذَبَحَ الْعَقِيقَةَ أَوْقَعَ عَلَيْهِ الاسْمَ ،وَإِنْ كَانَ الْمَوْلُودُ لا يُعَقُّ عَنْهُ لِفَقْرِ وَلِيِّهِ فَيُسَمُّونَهُ مَتَى شَاءُوا . انْتَهَى (تحفة المودود بأحكام المولود ص ۸۸) .

آن لاين اسلامي لارښود

Print Friendly, PDF & Email
آن لاين اسلامي لارښود حفظها الله په افغانستان کې د اهل سنت والجماعت (مذهب امام ابوحنيفه رحمه الله ) د ديني څيړنو او تحقيقاتو يوه معتبره پاڼه ده چې هدف يې ټولنې ته د شرعي اوامرو رسول د کفر ، شرک ، بدعت او ټولو نا روا کړنو پر وړاندې په دلائلو ولاړه کلکه مبارزه ده دا پاڼه کاملاً شخصي ده او مصارف يې کاملاً شخصي د انفاق فی سبيل الله څخه دي